Sinatura dun convenio marco de colaboración entre a USC e o Colexio de Graduados Sociais da Coruña e Ourense

O reitor Juan Casares e a presidenta do Colexio de Graduados Sociais da Coruña e Ourense, Susana Soneira Lema, asinarán este xoves 13 un convenio marco de colaboración para desenvolver actividades culturais, científicas, pedagóxicas ou de investigación, entre outras. Deste xeito, o alumnado da Facultade de Relacións Laborais poderá acceder a cursos de formación avanzados ao tempo que este centro se converterá en lugar de referencia para graduados/as en exercicio. O acto protocolario de sinatura celebrarase no Salón Reitoral do Colexio de San Xerome a partir das 11.45 horas. A oferta de prácticas para alumnado, a creación de dous premios dirixidos ao estudantado deste centro en función do seu rendemento académico, serán outras das iniciativas que se desevolverán ao abeiro deste acordo marco de cooperación.