Acto académico de imposición de becas do Colexio Maior Rodríguez Cadarso

O reitor Juan Viaño presidirá este venres 10 o acto académico de imposición de becas do Colexio Maior Rodríguez Cadarso correspondentes ao presente curso académico. A sesión protocolaria comezará ás 20.00 horas no Salón de Actos do edificio colexial e nela tamén participará o director do centro Luis Velasco. Nesta ocasión a banda de honra entregarase ao ex director do colexio Anxo Abuín, profesor da Facultade de Filosofía. Xunto a el tamén intervirán en nome da promoción 2014-2015 Paula Sánchez Álvarez, alumna de Xornalismo, e Pablo Fernández Garrido, doutorando de Física.