Acto protocolario de toma de posesión do profesor Juan Gestal como decano da Facultade de Medicina

O profesor Juan Gestal Otero tomará posesión do seu cargo como decano da Facultade de Medicina e Odontoloxía este mércores 9 ás 13:00 horas nun acto protocolario que presidirá o reitor Juan Casares no Salón de Graos do Colexio de San Xerome. O novo equipo, logo do proceso electoral celebrado no centro compostelán o pasado mes de decembro, complétano os profesores Víctor Arce, Inma Tomás e José Carreira como vicedecanos e Luis Lima como secretario. Juan Gestal toma deste xeito o relevo de José Mª Fraga Bermúdez que estivo ao fronte da Facultade os últimos oito anos.