Debaten este martes en Filosofía sobre a dispoñibilidade da propia vida
Na charla-coloquio participa, entre outros, o doutor Luis Montes
O médico Luis Montes, presidente da Asociación Federal Derecho a Morir Dignamente (AFDMD), participa este martes 9 en Filosofía nunha charla-coloquio organizada baixo o título ‘Dispoñibilidade da propia vida’. No acto, a desenvolver a partir das 17:00 horas na Facultade de Filosofía, acompañarán a Luis Montes o tamén médico Fernando Marín, secretario de AFDMD, e Emilia Irimia e Ascensión Cambrón, coordinadora e membro de Dereito a Morrer Dignamente (DMD) da Coruña, respectivamente.