Especialistas internacionais estudan na USC como facer máis sustentables os procesos industriais

Máis de cen investigadores chegados de diversas partes do mundo discuten este martes e o mércores 15 nun congreso científico as novidades na procura de biocatalizadores que complementen ou substitúan os procesos industriais máis convencionais na procura dunha maior sustentabilidade. A inauguración do evento tivo lugar este martes na Escola Técnica Superior de Enxeñaría nun acto presidido polo reitor da USC, Juan Casares Long, e no que ademais participaron Ángel Martínez, do CIB-CSIC de Madrid, e a profesora María Teresa Moreira, do Departamento de Enxeñaría Química da USC. Múltiples sectores implicados A aplicación deses biocatalizadores abrangue diferentes sectores como a madeira e pasta de papel, a fabricación de tecidos textís ou o deseño de novos fármacos. Desde xeito, os relatorios abordan o seu deseño e aplicación dende o punto de vista da bioloxía molecular, a enzimoloxía, a enxeñaría bioquímica, a enxeñaría química e a enxeñaría ambiental. No Workshop ‘Oxidative Enzymes as sustainable industrial biocatalyst – OESIB2010’ participa persoal científico de Alemaña, Austria, Dinamarca, España, Finlandia, Francia, Holanda, Irlanda, Italia, Portugal, Suecia, UK, Chile, Colombia, Brasil, EE.UU., Mexico e Rusia. O congreso está organizado polos profesores do Departamento de Enxeñaría Química Gumersindo Feijoo Costa e Maria Teresa Moreira Vilar.