Microcredencial Universitaria en Perspectiva de Xénero na Docencia: Ferramentas e Estratexias para a Coeducación no Ensino Infantil e Primario. Campus Lugo.

A educación infantil e primaria son etapas fundamentais no desenvolvemento dos nenos e nenas, onde se forman as bases da súa identidade, valores e actitudes. Neste contexto, a incorporación da perspectiva de xénero na docencia é esencial para garantir que todos o alumnado, independentemente do seu xénero ou situación, teñan as mesmas oportunidades de desenvolvemento académico e persoal desde unha idade temperá.
Deste xeito, o título deste curso reflicte o compromiso de proporcionar aos mestres/as e futuros mestres/as aquelas competencias precisas para identificar e combater os estereotipos de xénero, así como para formular prácticas pedagóxicas inclusivas e de igualdade de xénero no día a día das aulas, dende os primeiros anos de escolarización. Por iso, inclúense módulos que abordan tanto as bases teóricas da perspectiva de xénero como a súa aplicación práctica (identificación de estereotipos, deseño de actividades educativas con enfoque de xénero, creación de contornas escolares inclusivas, etc.) e se proporcionan ferramentas e recursos que favorezan a súa integración no ensino.
Ao finalizar o curso, as persoas participantes estarán mellor preparadas para desempeñar un rol activo na promoción da coeducación, contribuíndo á formación de cidadáns e cidadás conscientes e comprometidos coa igualdade de xénero.