Congreso Internacional 'Unha Filoloxía para o Século XXI'

No marco das actividades conmemorativas do quincuaxésimo aniversario da súa fundación, a Facultade de Filoloxía da Universidade de Santiago de Compostela organiza o Congreso Internacional 'Unha Filoloxía para o Século XXI. Pasado, Presente e Futuro. Linguas, Literaturas e Culturas' que terá lugar durante os días 26, 27 e 28 de novembro en modalidade presencial. O acto inaugural desenvólvese este mércores 26, ás 9.30 horas. 

Neste encontro reflexionarase sobre a filoloxía que se está a facer na actualidade e tamén sobre o que cabe esperar da filoloxía que se faga nas próximas décadas. O debate xirará ao redor de tres grandes cuestións 'Narrativas, culturas e sociedades', 'Filoloxía e tecnoloxías' e 'Filoloxía e transdisciplinariedade'.