Novo recurso electrónico dispoñible: JoVE - Journal of Visualized Experiments
A BUSC conta cun novo recurso electrónico no eido das ciencias experimentais, aplicadas e da saúde: JoVE - Journal of Visualized Experiments, ao que se pode acceder desde ReBUSCa.
Esta plataforma conta con máis de 18.000 vídeos gravados nalgunhas das institucións científicas máis prestixiosas do mundo. Neles amósanse detalles minuciosos de experimentos para facilitar o aprendizaxe e a replicación eficiente de novos métodos e tecnoloxías de investigación.
A colección Educación ofrece vídeos educativos que axudan a aclarar conceptos básicos e metodoloxías de laboratorio mediante o uso de animacións e aplicacións prácticas. Inclúe tamén libros de texto multimedia que combinan demostracións en vídeo con explicacións textuais detalladas.
A colección Investigación permite visualizar metodoloxías avanzadas, mostra claramente os detalles máis importantes do protocolo experimental, e permite reproducir técnicas de laboratorio. Inclúe JoVE Journal (revista revisada por pares en formato audiovisual) e JoVE Enciclopedia de Experimentos (videos coas técnicas de investigación).
