O obxectivo de realizar este estudo foi o de coñecer a situación sobre a corresponsabilidade e a conciliación entre o colectivo de PDI e PTXAS da Universidade de Santiago de Compostela. Ao longo do ano 2024 recolleuse a valoración dunha mostra destes dous grupos profesionais a respecto da conciliación, a corresponsabilidade, a tipoloxía de permisos para a persoas responsable dos coidados, ou a saúde mental e o estrés na actividade profesional, entre outras cuestións de relevancia. Unha vez realizada a análise dos datos incorporando a perspectiva de xénero, poñemos en común as principais conclusións deste estudo.
Os datos do informe realizado pola USC no ano 2023 sobre a Fenda Salarial e coordinado polo Centro Interdisciplinario de Investigacións e de Estudos de Xénero (CIFEX) xunto coa Oficina de Igualdade, mostra as dificultades no desenvolvemento profesional e laboral das mulleres PDI respecto dos seus compañeiros. Unha desigualdade que se fai evidente nos coidados e agrava a situación das académicas, con consecuencias negativas no proceso de recoñecemento profesional e no ascenso ao sistema universitario no que as mulleres PDI seguen un ritmo máis lento aos dos homes.
Un dos aspectos que na investigación quedou reflexado foi á percepción deste desequilibro e que se evidencia en determinadas etapas vitais nas que se identifican dificultades para conciliar a vida familiar, persoal e a laboral, agravada pola falta de corresponsabildade no fogar. Especial transcendencia ten a maternidade na media na que os coidados, máis aló dos primeiros anos de crianza, recaen nas mulleres de forma maioritaria e aos que hai que sumar a xestión do fogar, cando non na atención a persoas dependentes e maiores.
Nesta situación formúlase o deseño por parte da USC a través da Oficina de Igualdade de Xénero, deste estudo para coñecer as opinións e actitudes da comunidade universitaria (PDI e PTXAS) sobre as políticas de igualdade. O estudo enmárcanse nas actividades que a USC vén desenvolvemento dentro das actuacións de colaboración coa Dirección Xeral de Promoción da Igualdade da Xunta de Galicia e o Plan Corresponsables da Secretaría de Estado de Igualdade e contra a Violencia de Xénero do Ministerio de Igualdade.
A investigación presentada tivo como obxectivo central analizar a fenda de coidados no marco do desempeño profesional, e o seu impacto no ámbito laboral, persoal e emocional.