O último filme da catedrática da USC Margarita Ledo proxéctase no Salón Teatro

A catedrática de Comunicación Audiovisual da USC Margarita Ledo presenta este domingo 27 ás 18.00 horas e o luns 28 de outubro ás 20.30 no Salón Teatro a súa nova película ‘A Cicatriz Branca’, na que trata a temática das mulleres que emigraron soas na primeira metade do século XX. O filme culmina un traballo de investigación iniciado co documental ‘Apuntamentos para un filme’ onde se recollen diversas testemuñas de mulleres emigrantes que serviron de inspiración para as personaxes da película.