A Facultade de Química acreditada pola ACSUG

A Comisión Galega de Informes, Avaliación, Certificación e Acreditación, na reunión celebrada o 20 de xuño de 2023 acordou ratificar o informe de avaliación para a acreditación institucional da Facultade de Química. Isto supón unha simplificación do procedemento de renovación dos títulos xa que os centros que obteñen esta acreditación institucional, renovan a acreditación de todos os seus graos e másteres oficiais de xeito automático, sen necesidade de someterse ao procedemento convencional establecido no Real Decreto 1393/2007.