Ciclo de formación online de Web of Science no mes de xuño
A FECYT e Clarivate organizan o I Ciclo de Formación Online da base de datos Web of Science, co obxectivo de dar a coñecer as actualizacións, cambios e novidades desta base de datos. Esta formación, impartida durante o primeiro semestre do ano, está dirixida tanto a estudantes como a investigadores.
Para participar nas sesións é imprescindible rexistrarse co correo electrónico institucional, xa que as inscricións realizadas con emails comerciais serán rexeitadas.
Xa está aberto o prazo de inscrición para as sesións de xuño, que serán as seguintes:
- Luns, 3 de xuño de 14-15 horas
As revistas da Colección Principal de Web of Science (nivel básico). - Martes, 4 de xuño de 14-15 horas
O significado do factor de impacto e outras métricas en JCR (nivel básico). - Mércores, 5 de xuño de 14-15 horas
Ler o perfil dunha revista en Journal Citation Reports (nivel avanzado).
Apúntate aos webinars picando neste enlace.
Podes atopar máis información sobre o ciclo de formación online de Web of Science nesta páxina da FECYT.
Formación presencial
Ademais destas sesións online, Clarivate ofrece ao persoal da BUSC e PTXAS con funcións de apoio á investigación unha formación presencial (dispoñible tamén en streaming), que terá lugar na Aula Luisa Cuesta, da Biblioteca Concepción Arenal o día 13 de xuño, das 10 ás 13 horas.
É necesario rexistrarse empregando o correo institucional e asegurarse de que os datos persoais son correctos, pois serán os que se reflictan na certificación de asistencia (só se expedirá aos asistentes á sesión presencial).
Inscríbete picando neste enlace.