A Cátedra Castelao está centrada na figura, o pensamento e a obra de Castelao, como figura representativa da cultura galeguista contemporánea, nas súas diversas vertentes: literatura, artes, identidade, idioma, xornalismo, cidadanía, activismo político... Esta cátedra terá como obxectivos principais o fomento da investigación e da difusión nacional e internacional de Castelao e da cultura galeguista, promovendo iniciativas de distinto tipo (encontros, debates, conferencias, estudos...) e impulsando a colaboración entre institucións e con entidades da sociedade civil.