A USC manifesta o seu fondo pesar polo falecemento de Óscar Fernández Refoxo, membro do Consello Social da institución

O Consello Social da USC, e no seu nome o seu presidente, Manuel Puga Pereira, quere trasladar o seu pesar polo falecemento de Óscar Fernández Refoxo, membro deste órgano. A comunidade universitaria únese deste xeito aos numerosos testemuños de condolencia recibidos pola súa familia e achegados desde que se coñeceu a noticia do seu pasamento. Nacido en Santiago de Compostela en 1926 e avogado de profesión, Fernández Refoxo estivo sempre vinculado ao ámbito social e cultural, e participou na posta en marcha de múltiples proxectos, como a Asociación Cultural O Galo, da que foi un dos impulsores e fundadores.