O Consello Social e a Asociación de Antigos Alumnos e Amigos da USC entregan este martes o Premio Humanitas

Eugenia Banet López de Rego, fundadora e actual tesoureira da Asociación de Bulimia e Anorexia de Galicia (ABAGAL), recolle este martes en Santiago o VI Premio Humanitas que convocan o Consello Social e a Asociación de Antigos Alumnos e Amigos da USC (AAAUSC).
Coa entrega do premio, que se desenvolverá ás 12:00 horas no Salón de Plenos do Consello Social da USC, recoñécese o traballo de Eugenia Banet na Unidade de Desordes Alimentación do Complexo Hospitalario Universitario de Santiago (CHUS). Recibirá a insignia de prata da Asociación, un diploma acreditativo e un premio en metálico de 3.000 euros.
No acto estarán presentes o vicerreitor de Comunidade Universitaria e Compromiso Social, José Manuel Mayán Santos, o presidente do Consello Social da USC, Manuel Puga Pereira; e o presidente da Asociación de Antigos Alumnos e Amigos da USC, Perfecto Yebra Martul-Ortega.