Curso de iniciación ao tango. Campus de Santiago de Compostela
O tango arxentino é un baile social, unha danza popular e cidadá de 'comunicación' entre os membros da parella e entre o conxunto de parellas que baila no salón, xa que se 'improvisa' a partir de códigos e estruturas de movementos preestablecidos. Este baile foise transformando a través do tempo e báilase actualmente por todo o mundo, pero mantendo a súa esencia de 'comunicación' a través do corpo e a música.
Os seus obxectivos é introducir aos participantes neste baile, poder participar nas milongas (espazo de encontro e baile social), e que teñan a vivencia do 'baile popular', no que se favorece a integración social e o intercambio intercultural, estimulando a comunicación corporal, non verbal, a través da música.
Profesorado: Ezequiel Merlo e Chusa P. de Vallejo.
Duración: do 2-10-2024 ao 14-05-2025 (30 horas).
Requisitos: non fai falta ir con parella, non se necesitan coñecementos previos, calquera idade e condición.
Horario: os mércores, de 18:30 a 19:30 h.
Lugar: no Comedor do Colexio de Fonseca (entrada polo xardín). Rúa do Franco, s/n.
Prezo: membros da comunidade universitaria 110 euros / taxa xeral 150 euros.
Número de prazas: máximo 20 e mínimo 6.
Recoñecemento de créditos: 1 crédito ECTS (todas as titulacións de grao da USC)
Matrícula
Ampliamos o prazo de matrícula do 2 ao 11 de outubro de 2024. Preme na seguinte ligazón para inscribirte:
Área de Cultura
- Colexio San Xerome
- Praza do Obradoiro s/n., 15782Santiago de Compostela
- 881 811 018
- 881 811 103
- area.cultura [at] usc.gal
Área de Cultura
- Edificio de Servizos Administrativos e Biblioteca Intercentros
- Rúa Bernardino Pardo Ouro, s/n. Campus Universitario, 27002Lugo
- 982 821 513
- cultura.lugo [at] usc.es