Acto de apertura do curso do IV Ciclo Universitario da USC na Escola Politécnica Superior de Enxeñaría de Lugo

A directora do IV Ciclo Universitario da USC, un programa formativo orientado á participación de maiores de 50 anos, Esther Olveira Olveira, presentará este xoves 6 de setembro, a partir das 17.00 horas, no salón de actos da Escola Politécnica Superior de Enxeñaría do campus de Lugo, o curso 2017-2018 do IV Ciclo Universitario na sede universitaria luguesa.

A vicerreitora de Coordinación do campus de Lugo, Montserrat Valcárcel, e a coordinadora deste programa de formación sénior da USC sede universitaria luguesa, a profesora Teresa Rodríguez López, tamén intervirán, xunto cun representante do alumnado, neste acto de apertura do novo curso o IV Ciclo, para o que xa permanece aberto o prazo de matrícula ata o vindeiro 26 de setembro.

O profesor da USC na EPS de Enxeñaría de Lugo Emilio Carral Vilariño, que tamén é docente no programa de formación de maiores do IV Ciclo Universitario da USC, ofrecerá unha conferencia baixo o título impartirá unha conferencia baixo o título ‘Incerteza e entropía nas aulas: o cuarto ciclo universitario’.