Dispoñibles novas guías de estilos de citas e referencias bibliográficas
A BUSC vén de engadir novas guías para facilitar a creación de citas e referencias bibliográficas nos estilos máis amplamente utilizados no eido da comunicación científica e académica.
Á hora de citar e redactar as referencias bibliográficas nos traballos académicos, podemos elixir entre diferentes manuais de estilo, que teñen como finalidade que a persoa lectora identifique e localice a fonte que utilizamos para documentarnos de xeito doado.
Algúns destes estilos de citación proceden dunha institución internacional que elabora un modelo de cita e referencia para as súas publicacións, outras utilízanse nun campo de coñecemento específico. As guías dispoñibles son as seguintes:
- Estilo APA, desenvolvido pola American Psychological Association (APA). Este estilo emprégase fundamentalmente no campo da psicoloxía, ciencias sociais e humanidades.
- Estilo MLA (Modern Language Association), empregado en lingüística e filoloxía.
- Estilo Vancouver, moi empregado en publicacións de medicina e biomedicina. Este estilo desenvolveuno o International Committee of Medical Journal Editors (ICMJE).
- Estilo IEEE, desenvolvido polo Institute of Electrical and Electronics Engineers para as súas revistas. Tamén se emprega noutras publicacións de enxeñaría.
- Estilo ISO 690. De uso xenérico.
- Estilo Harvard. Estilos creado pola prestixiosa universidade para que os seus alumnos e profesores empregaran a normativa propia . É utilizada en diferentes campos de coñecemento: Bioloxía, Ciencias naturais, Ciencias sociais...
Se precisas máis información, tamén podes consultar a guía de Citas e referencias bibliográficas.