Observatorio Astronómico Ramón María Aller

O Observatorio Astronómico Ramón María Aller é un Centro único no Sistema Universitario de Galicia, pero non só porque non haxa mais observatorios universitarios na nosa Comunidade, senón porque a actividade desenvolvida nel abrangue ademais da investigación científica e docencia de alto nivel, un amplo abano de actividades de divulgación dirixidas a toda a sociedade, ao que hai que engadir a súa estación meteorolóxica coa que se colabora coa AEMET desde hai máis de 35 anos.