Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Ciencia Política e Socioloxía
Áreas: Socioloxía
Centro Facultade de Formación do Profesorado
Convocatoria: Primeiro semestre
Docencia: Con docencia
Matrícula: Matriculable | 1ro curso (Si)
Obxectivos referidos ao saber facer (Procedimentais)
1. Adquirir, consolidar ou progresar na competencia de traballo en grupo: Ser máis hábil á hora de traballar en grupo, hoxe con compañeiras/os de clase, no futuro con membros da comunidade educativa e da contorna.
2. Adquirir, consolidar ou progresar na competencia informacional: Ser máis hábil na procura de información de diversas fontes. Ser máis hábil á hora de seleccionar, organizar, sintetizar, analizar a información e ser quen de elaborar, a partir desta, un discurso argumental propio con cohesión e coherencia.
3. Consolidar ou progresar na competencia oral, fundamental para o futuro exercicio profesional.
4. Consolidar ou progresar na competencia lectora, fundamental para o futuro labor docente.
Obxectivos referidos ao saber ser (Actitudinais)
Adquirir, consolidar e/ou progresar no desenvolvemento de actitudes relacionadas co:
1. Compromiso social.
2. Compromiso ético.
3. Respecto cara a nova realidade social, plural e diversa.
4. Pensamento creativo.
5. Pensamento reflexivo sobre aspectos relacionados coa sociedade, a educación, a escola e a profesión docente.
6. Curiosidade científica sobre o mundo da educación, da escola, da infancia e da nenez.
7. Autonomía, responsabilidade, constancia, perseverancia, tenacidade, esforzo e hábitos de traballo diario.
Obxectivos referidos ao saber (Epistemolóxicos)
1. Coñecer as aportacións do saber sociolóxico á formación inicial do profesorado.
2. Coñecer a relación entre a Socioloxía da Educación coa Psicoloxía, a Pedagoxía, a Historia da educación e, especialmente, coa Didáctica.
3.Coñecer o proceso social de construción da identidade docente.
4. Coñecer a dimensión social da educación e, en particular, da escola.
5. Coñecer o papel da escola como axente de reprodución e cambio social.
6. Coñecer instrumentos para a reflexión sociopedagóxica sobre o feito educativo: reflexión desde e sobre a práctica.
7. Comezar a coñecer a complexidade da profesión docente e a necesidade de adaptación continua aos cambios sociais, culturais, tecnolóxicos, científicos, pedagóxicos… que se producen ao longo da vida profesional.
8. Saber relacionar a escola coa sociedade e coa contorna social próxima (local, territorial) e inmediata (familias) para entender a súas influencias e implicacións mutuas. Saber analizar a contorna social, local, territorial na que que se sitúa o centro escolar para deseñar propostas e desenvolver accións educativas en coherencia coas necesidades da contorna.
9. Coñecer as relacións e implicacións mutuas entre familia e escola. Saber recoñecer as variables máis importantes relacionadas coas familias que afectan á escola e, máis concretamente, ás nenas e nenos de Educación Infantil e de Educación Primaria.
10. Coñecer o impacto escolar dalgúns dos cambios máis significativos que afectan á sociedade actual (inmigración, cambio nos roles, estereotipos e relacións de xénero, novos modelos de familia, novas pantallas, internet e COVID19).
Bloques temáticos:
A construción social da identidade docente.
Escola: Reprodución e cambio social.
Relacións Sociedade-Familia- Escola.
Instrumentos de investigación para a reflexión sociopedagóxica do feito educativo: reflexión desde e sobre a práctica.
Notas:
Na Aula Virtual, concrétanse os contidos específicos de cada bloque e apórtase a bibliografía específica para cada un dos bloques.
A secuencia no tratamento dos bloques temáticos pode variar segundo o título de Grao no que se imparte esta materia e de acordo coas dinámicas que se establezan nos grupos.
O enfoque no tratamento de certos contidos, os exemplos que se empreguen para ilustrar algunhas temáticas, os casos prácticos que se analicen así como determinados recursos e materiais que se utilicen, poderán ser diferentes de acordo co Grao no que se imparte esta materia (Educación Infantil ou Educación Primaria e Dobre Grao).
BIBLIOGRAFÍA XERAL:
- Bonal, X. (1998). Sociología de la Educación. Una aproximación crítica a las corrientes contemporáneas. Paidós.
- Fermoso Estébanez, P., y Pont Vidal, J. (eds.) (2000). Sociología de la Educación. Nau Llibres
- Fermoso Estébanez, P. (coord.) (1990). Sociología de la Educación. Alamex.
- Fernández Enguita, M. (coord.) (1999). Sociología de la Educación. Ariel.
- Fernández Palomares, F. (coord.) (2003). Sociología de la Educación. Pearson.
- García de León, Mª A., De la Fuente, G., Ortega, F. (eds.) (1993). Sociología de la Educación. Barcanova.
- Guerrero Serón, A. (1996). Manual de Sociología de la Educación. Síntesis.
- Imbernón, F. (ed.) (1999). La educación en el siglo XXI. Graó.
- Jerez Mir, R. (1990). Sociología de la Educación. Guía Didáctica y Textos Fundamentales. MEC.
- Ortega, F. et al. (comp.) (1989). Manual de Sociología de la Educación. Visor.
- Quintana Cabanas, J. Mª (1989). Sociología de la Educación. Dykinson.
ALGUNHAS PUBLICACIÓNS PERIÓDICAS DE INTERESE:
Revista CUADERNOS DE PEDAGOGÍA, Barcelona.
Revista AULA DE INNOVACIÓN EDUCATIVA, Barcelona.
Revista GALEGA DE EDUCACIÓN, Vigo.
Revista de INNOVACIÓN EDUCATIVA, Santiago de Compostela.
DICCIONARIO:
Giner. S.; Lamo de Espinosa, E.; Torres, C. (eds.) (1998). Diccionario de Sociología. Madrid: Alianza.
De acordo coas competencias que figuran no Plan de Estudos, as competencias a adquirir, consolidar e/ou mellorar nesta materia, son:
Competencias Xerais:
G7.- Colaborar cos distintos sectores da comunidade educativa e da contorna social. Asumir a dimensión educadora da función docente e fomentar a educación democrática para unha cidadanía activa.
G12.- Comprender a función, as posibilidades e os límites da educación na sociedade actual e os cambios fundamentais que afectan ós colexios de educación primaria e ós seus profesionais. Coñecer modelos de mellora da calidade con aplicación ós centros educativos.
Competencias Específicas:
E22.- Relacionar a educación co medio, e cooperar coa familia e a comunidade.
E23.- Analizar e incorporar de forma crítica as cuestións máis relevantes da sociedade actual que afectan á educación familiar e escolar: impacto social e educativo das linguaxes audiovisuais e das pantallas, cambios nas relacións de xénero e interxeneracionais; multiculturalidade e interculturalidade; discriminación e inclusión social e desenvolvemento sostible.
E24.- Coñecer a evolución histórica da familia, os diferentes tipos de familias, de estilos de vida e de educación no contexto familiar.
Competencias Básicas:
B3.- Que os estudantes teñan a capacidade de reunir e interpretar datos relevantes (normalmente dentro da súa área de estudio) para emitir xuízos que inclúan unha reflexión sobre temas relevantes de índole social, científica ou ética.
B4.- Que os estudantes poidan transmitir información, ideas, problemas e solucións a un público tanto especializado como non especializado.
Competencias Transversais:
T3.- Coñecemento instrumental das tecnoloxías da información e da comunicación.
O traballo por competencias esixe unha metodoloxía centrada no alumno/a. Con esta metodoloxía búscase unha progresiva autonomía (guiada) no proceso de ensino-aprendizaxe que favoreza que o estudante continúe, xa pola súa conta, o proceso de indagación científica.
Asemade traballar por competencias esixe unha metodoloxía de ensino-aprendizaxe cun enfoque integrador (globalizado e interdisciplinario) que permita establecer relacións entre diversas materias do mesmo módulo (“Infancia, Familia e Escola”, “Teoría e Historia da Educación Escolar”, "Psicoloxía do Desenvolvemento", "Teorías e Institucións Contemporáneas da Educación Infantil", "Didáctica e Profesión Docente", e “Didáctica e Tarefas Docentes").
As distintas actividades formativas se reparten entre un horario presencial (que corresponde ás sesións expositivas, sesións interactivas ou de seminario, sesións de titorías programadas), e un horario non presencial (que corresponde ás horas de traballo autónomo do alumnado).
En relación co horario presencial, distribúese do seguinte modo:
Sesións expositivas en gran grupo. Neste tipo de sesións a profesora conta cun maior protagonismo. Estas sesións están dirixidas a explicar os contidos teóricos; a presentar o programa e a guía docente da materia; a presentar, explicar e facer o seguimento en gran grupo do proxecto interdisciplinario de curso (PI); a realizar sesións formativas con profesionais externos e, na medida en que se dispoña de recursos económicos, a realizar unha saída de campo. As sesións expositivas tamén poden contemplar a exposición do proxecto interdisciplinario de curso.
A estas actividades en grupo grande correspóndenlle 24 horas, que esixirán 35 horas de traballo autónomo do alumno/a.
Competencias: E23, E24; G7, G12; B3, B4
Sesións interactivas ou de seminario. Neste tipo de sesións, en grupo mediano, o alumnado adquire maior protagonismo. A redución no número de alumnas/os por grupo permite establecer dinámicas de aula que favorecen a participación, o intercambio de coñecemento, a discusión e a reflexión. Nas sesións interactivas contemplase a posta en común de comentarios de texto, fílmicos, podcast, webinars, programas de radio, TV, entrevistas... de contido social e educativo. Tamén se contempla o análise de casos.
A estas actividades en grupo mediano correspóndenlle aproximadamente unhas 24 horas presenciais, que esixirán de 45 horas de traballo autónomo do alumnado.
Competencias: E23, E24; G7,G12; B3, B4; T3
Sesións de titorías programadas en pequeno grupo. Estas sesións están orientadas ao seguimento do proxecto interdisciplinario (PI). O horario e o espazo para a realización destas titorías acordarase entre a profesora e os grupos de traballo titorizados. Establécese un número de horas de asistencia obrigatoria a estas sesións.
Grupo de Titorías Programadas dun máximo de 15 alumnos/as e con 3 horas de duración. Competencias: E22, E23; G7, G12; B3, B4.
As titorías (presenciais -de despacho-, telemáticas -a través da plataforma institucional Ms Teams- por correo electrónico e/ou por teléfono puntual e excepcionalmente) están orientadas a atender ás necesidades individuais do alumnado. Estas titorías contemplan tamén o seguimento e a supervisión do proceso de elaboración do proxecto interdisciplinario de curso.
No tocante ao traballo non presencial do alumnado:
O traballo autónomo fora da aula está dirixido á realización de tarefas (tanto de carácter individual como grupal), relacionadas coas actividades propostas na materia. O tipo de tarefas que contempla o traballo autónomo son: traballo individual cos documentos da materia; redacción de comentarios de texto ou fílmicos; visualización de películas, documentais, reportaxes, podcast, o webinars… de contido socioeducativo; estudo da materia; preparación da exposición oral; elaboración do informe do PI; realización de procuras bibliográficas; preparación das tarefas que se acorden nos grupos de traballo, etc.
Coa finalidade de comprobar se o alumnado acadou os obxectivos e as competencias establecidas na Memoria Verificada do Título para esta materia, o sistema de avaliación combinará a avaliación continua cunha proba final, de acordo coas opcións que se recollen na normativa de avaliación da USC.
A. Participación (10% da cualificación final):
Para acadar puntuación neste apartado é requisito asistir a un mínimo do 80% das actividades formativas presenciais programadas. Rexistrarase asistencia.
A USC é unha universidade presencial polo que a asistencia é obrigatoria, tal e como se recolle na Normativa de Asistencia a clase en las Enseñanzas adaptadas al Espacio Europeo de Educación Superior (EEES), aprobada no Consello de Goberno de 25 de marzo de 2010. De acordo coa normativa, en caso de falta de asistencia a clase, o alumnado deberá presentar o documento acreditativo nun prazo máximo de 10 días desde a falta de asistencia. Para máis información pódese consultar a mencionada normativa. Nesta normativa sinálase que a asistencia a clase non se deberá considerar coma un fin en si mesmo senón coma unha oportunidade para unha “mellor comprensión da materia, a adquisición de competencias en grupos e individuais, a aprendizaxe continua, a interacción directa con outros alumnos e alumnas ou a posibilidade dunha metodoloxía docente-discente máis participativa”.
Por outra banda, o punto 3 do artigo 10 do Estatuto do Estudantado da USC aprobado en novembro de 2019, sinálase que “o estudantado deberá cumprir coa asistencia as clases teóricas e prácticas e a realización das actividades formativas propias de cada materia, de acordo co establecido nas guías docentes e nas memorias verificadas de título".
No tocante a esta materia, a propia natureza da mesma; o tipo de contidos que se traballan; as características do material que se emprega; os recursos de aprendizaxe que se utilizan; a tipoloxía de actividades que se realizan e as dinámicas que se establecen... levan a que a presencialidade sexa pertinente. Por outra banda a presencialidade permite a reflexión pausada, o debate e a discusión. Asemade a presencialidade posibilita o encontro, o intercambio de coñecementos e de experiencias “cara a cara”, “cabeza a cabeza” e, “corazón a corazón”. O proceso de ensino aprendizaxe é un acto “pel a pel", un acto de pura conexión a través do que se establecen pontes intelectuais e afectivas con outras persoas.
Por último, e desde unha perspectiva sociolóxica, a falta de presencialidade podería provocar a desconexión do alumnado da universidade, e incluso, o abandono, incrementándose a brecha social e a desigualdade, sobre todo no caso do alumnado con menos posibilidades.
Criterios que se valorarán neste apartado, e dos que se levará rexistro.
•Participar (nas sesións de aula e nas sesións formativas con profesionais externos), aportando coñecementos, reflexións, vivencias, experiencias… que poidan contribuír ao desenvolvemento persoal e profesional do grupo clase.
•Participar a través da realización de pequenas tarefas (en clase ou fora de clase).
•Participar colaborando na organización e desenvolvemento de actividades que se poidan facer ao longo do semestre.
•Participar nas sesións de titoría (de aula, programadas e/ou de despacho) amosando coñecer o proceso de elaboración do proxecto interdisciplinario de curso (PI) e o estado de realización doutras tarefas grupais e/ou individuais que se poidan solicitar.
•Participar nas sesións de titorías (programadas, de despacho ou telemáticas) amosando ter coñecemento do contido do programa, da guía docente e, en xeral, dos documentos da materia.
•Participar nas sesións de clase, amosando coñecer os contidos que se estean a traballar ou que xa se traballaran en sesións anteriores.
•Amosar na clase unha actitude positiva, empática e respetuosa que contribúa a crear un clima socioafectivo de aula que favoreza o proceso de ensino aprendizaxe. Se este criterio non se cumpre non se terá en conta o resto dos criterios e non se acadará puntuación neste apartado A), á marxe doutras consecuencias que deste feito se poidan derivar.
B.Probas específicas (40% da cualificación final):
Medio de avaliación: Proba de contidos.
C.Informes escritos e outras producións (40% da cualificación final):
Medio de avaliación: Realización do Proxecto Interdisciplinario de curso (PI) en colaboración coas materias: “Didáctica e Profesión Docente” e, “Didáctica e Tarefas Docentes”.
O proxecto interdisciplinario contempla dúas modalidades: modalidade A (Aprendizaxe-Servizo) e modalidade B (Aprendizaxe Baseada en Proxectos). A súa vez, a modalidade B contempla dúas submodalidades: submodalidade B1 (proxecto de investigación) e submodalidade B2 (proxecto de creación dun produto). O profesorado das materias implicadas no proxecto proporcionará unha guía docente do TI coas pautas necesarias para desenvolver de forma adecuada o traballo solicitado. Este material estará a disposición do alumnado na Aula virtual da materia.
D.Presentacións ou probas orais específicas: 10% da cualificación final.
Medio de avaliación: Presentación oral do proxecto interdisciplinario (PI).
O alumnado que cumpra coa porcentaxe de asistencia que esixe a USC superará a materia se acada a puntuación mínima de 5 puntos totais (sobre 10).
Para sumar as puntuacións de todos os apartados é imprescindible acadar a puntuación mínima no apartado B (Probas específicas) e C (Informes escritos e outras producións). É dicir, os/as estudantes deberán aprobar a proba específica e o proxecto interdisciplinario.
O alumnado que estea por debaixo da porcentaxe de asistencia que esixe a USC non terá dereito a puntuar no apartado A (participación), e non poderá acadar a máxima cualificación na materia (10 puntos). Para sumar as puntuacións dos apartados restantes é imprescindible acadar a puntuación mínima no apartado B (Probas específicas) e C (Informes escritos e outras producións). Isto é, as/os estudantes deberán aprobar a proba específica e o proxecto interdisciplinario.
Ao alumnado que non supere a materia constaralle a cualificación da parte suspensa ou, de ser o caso, a cualificación de Non Presentado (NP).
AVALIACIÓN PARA O ALUMNADO CON DISPENSA OFICAL DE ASISTENCIA A CLASE.
O alumnado con dispensa, de acordo co artigo 33 g) dos Estatutos da Universidad, "ten dereito a unha atención e deseño das actividades académicas que faciliten a conciliación dos estudos coa vida persoal, familiar e laboral". Se ben no artigo 130.2, tamén se establece que "ten o deber da asistencia e participación naquelas actividades formativas que se establezan como obrigatorias na programación docente".
A. Participación e seguimento da materia (10% da cualificación final):
Para acadar puntuación neste apartado é requisito asistir ao número mínimo de sesións de clase de carácter teórico-práctico, que a profesora sinale como obrigatorias na guía docente da materia (a disposición do alumnado na Aula Virtual). É requisito acudir ao mínimo de sesións formativas con profesionais externos (cuxa temática e data) comunicarase coa debida antelación a través da A.V. É requisito asistir a un número mínimo de sesións de titorías programadas, cuxa data e hora concretarase previo acordo entre as partes. É requisito asistir alomenos a dúas titorías ordinarias. Rexistrarase asistencia.
Criterios que se valorarán neste apartado, e dos que se levará rexistro.
•Participación nas sesións de clase teórico-prácticas obrigatorias.
•Participación nas sesións formativas con profesionais externos que se sinalen como obrigatorias.
•Participación nas titorías programadas que se sinalen como obrigatorias.
•Asistencia e participación en alomenos dúas titorías ordinarias obrigatorias. Na mesma semana na que o alumno/ a reciba a comunicación oficial de aprobación da dispensa deberá enviar un correo á profesora solicitando unha primeira titoría, para acordar o plan de traballo a seguir. Neste correo deberase adxuntar o arquivo co documento acreditativo da concesión de dispensa. O alumno/a deberá levar preparada esa primeira titoría, o que significa que debe amosar que consultou o programa da materia e a guía docente. O alumno/a, cando menos un mes despois da primeira titoría, deberá volver contactar coa profesora para concertar unha segunda titoría.
•Cumprimento dos aspectos burocráticos: Envío en tempo e forma do documento acreditativo de dispensa.
•Compromiso coas tarefas: Envío en tempo e forma dos borradores do PI e, de ser o caso, doutras tarefas que se lle soliciten.
•Cumprimento de aspectos organizativos: Resposta en tempo ás mensaxes de correo da profesora.
B.Probas específicas (40% da cualificación final):
Medio de avaliación: Proba de contidos.
C.Informes escritos e outras producións (40% da cualificación final):
Medio de avaliación: Elaboración do Proxecto Interdisciplinario.
Para o alumnado con dispensa se contempla unicamente a realización da modalidade B (Aprendizaxe Baseada en Proxectos) que contempla dúas submodalidades: submodalidade B1 (proxecto de investigación) e submodalidade B2 (proxecto de creación de dun produto), a escoller unha. A guía docente do PI estará a disposición do alumnado na A.V. da materia.
D.Presentacións ou probas orais específicas (10% da cualificación final):
Medio de avaliación: Presentación oral do proxecto interdisciplinario. A información e as pautas para a elaboración da presentación do PI estarán a disposición do alumnado na A.V. da materia.
O alumnado con dispensa de asistencia superará a materia se acada a puntuación mínima de 5 puntos totais (sobre 10). Para sumar as puntuacións de todos os apartados é imprescindible alcanzar a puntuación mínima no apartado B (Probas específicas) e C (Informes escritos e outras producións). É dicir, a alumna/o deberá aprobar a proba de contidos e o traballo xeral da materia (proxecto interdisciplinario). Ao alumnado que non supere a materia, constaralle a cualificación da parte suspensa ou, de ser o caso, a cualificación de Non Presentado (NP).
OUTROS ASPECTOS RELACIONADOS COA AVALIACIÓN DA ASIGNATURA:
RECUPERACIÓN DA MATERIA: O alumnado, tanto ordinario como de dispensa, que non supere a materia na 1ª oportunidade, deberá recuperar a parte ou partes suspensas na 2ª oportunidade. Serán obxecto de recuperación os apartados B (probas específicas) e C (informes escritos e outras producións). No tocante ao apartado C (informes escritos e outras producións), establécese o seguinte:
-Se na 1ª oportunidade optouse pola modalidade A, o alumnado deberá realizar un novo proxecto interdisciplinario na modalidade B.
-Se na 1ª oportunidade optouse pola modalidade B, o alumnado continuará na mesma modalidade.
-Se na 1ª oportunidade non se presentou o proxecto Interdisciplinario, o alumnado deberá realizar a modalidade B1 (proxecto de investigación). O alumnado que se atope nesta situación ten a obriga de contactar coa profesora na primeira semana de febreiro (coincidindo co inicio do segundo semestre) para consensuar coa docente a temática e organizar o plan de traballo a seguir. O alumnado ten a obrigación de solicitarlle á docente alomenos tres titorías máis para o seguimento do proceso de elaboración do proxecto. O alumnado NON poderá presentar o proxecto na 2º oportunidade sen o visto bo previo da profesora. O alumno/a non poderá presentar o PI se o traballo non o fixo ao longo de todo o segundo semestre e se non cumpriu coas obrigas establecidas. A data límite de entrega do proxecto correspóndese coa data oficial do exame da 2ª oportunidade.
ALUMNADO REPETIDOR (2ª e/ou sucesivas convocatorias): a aquel alumnado repetidor que estivese matriculado na materia e que superase o requisito de asistencia nalgúns dos dous cursos académicos anteriores —sempre e cando a materia fose impartida polo profesorado que figura no programa do curso académico vixente— se lle conservarán as cualificacións obtidas no exame e nas producións escritas (apartados B e, C do sistema de avaliación) sempre e cando estas estean aprobadas. O alumnado repetidor que estivese matriculado na materia e non tivera superado o requisito de asistencia nalgúns dos dous cursos anteriores será avaliado segundo o sistema e criterios de avaliación establecidos no curso académico en vigor para cada unha das situacións contempladas en relación co alumnado (ordinario ou con dispensa oficial de asistencia).
O alumnado repetidor que non presentase o proxecto interdisciplinario ten a obriga de contactar coa profesora na primeira semana de setembro (coincidindo co inicio do primeiro semestre) para consensuar coa docente a temática e organizar o plan de traballo a seguir. Este alumnado NON poderá presentar o proxecto interdisciplinario sen o visto bo previo da profesora. O alumno/a non poderá presentar o PI se o traballo non o fixo ao longo de todo o primeiro semestre e, se non cumpriu coas obrigas establecidas.
*NOTA IMPORTANTE SOBRE A AVALIACIÓN:
Para os casos de realización fraudulenta de exercicios, tarefas ou probas será de aplicación o que se recolle no artigo 16 da Normativa de avaliación do rendemento dos estudantes e de revisión de cualificacións’ que establece que “a realización fraudulenta dalgún exercicio ou proba esixida na avaliación dunha materia implicará a cualificación de suspenso na convocatoria correspondente, con independencia do proceso disciplinario que se poida seguir contra o alumno infractor. Considérase fraudulenta, entre outras, a realización de traballos plaxiados ou obtidos de fontes accesibles ao público sen reelaboración ou reinterpretación e sen citas aos autores e das fontes”.
Aulas Expositivas: Horas Presenciais (23). Horas de Traballo Autónomo (46). Total: 69
Aulas Interactivas: Horas Presenciais (23). Horas de Traballo Autónomo (46). Total: 69
Titorías: Horas Presenciais (3). Horas de Traballo Autónomo (7). Total: 10
Revisión xeral Traballo de Curso: Horas Presenciais (2). Horas de Traballo Autónomo (0). Total: 2
Totais: 150 horas
Recomendacións para a aprendizaxe:
- Lectura en profundidade dos documentos da materia.
- Asistencia ás sesións de formación en competencias básicas organizadas pola biblioteca da USC.
- Asistencia a cursos, congresos, obradoiros... (presenciais e/ou telemáticos) relacionados coa educación e organizados pola Facultade, pola profesora da materia, pola USC e/ou por calquera outra institución u asociación relacionada coa educación, a infancia ou a nenez.
- Asistencia e/u participación en actividades culturais da USC e/ou doutras institucións.
- Seguimento diario de xornais de diferentes tendencias e máis concretamente das novas, artigos, bandas deseñadas, viñetas de humor gráfico... relacionados coa educación e, en particular, coa escola, a infancia e a nenez.
- Lectura de libros sobre a escola, a infancia e a profesión docente.
- Lectura de biografías sobre mestras/es.
- Lectura de bibliografía sobre Socioloxía da Educación.
- Visualización de curtametraxes, series, documentais e películas de contido social e educativo.
- Visita periódica á biblioteca da facultade e/ou do campus para consultar revistas, libros, investigacións científicas... de temática educativa e sociolóxica.
- Comezar a ter (se aínda non se tivo oportunidade) experiencias pre-profesionais que supoñan traballar con nenas e nenos en idade escolar (por exemplo monitores/as de tempo de lecer, en actividades extraescolares, en actividades deportivas, en comedores escolares, no servizo de voluntariado da USC (ou de outras institucións), etc...
- Outras recomendacións máis xerais:
* Responsabilidade individual e colectiva á hora de realizar os traballos de grupo cos compañeiros/as. Compromiso individual coas tarefas, asistencia a cantas reunións de grupo de traballo se establezan, entrega en tempo e forma das tarefas encomendadas, etc.
* Traballo autónomo: Preparación de tarefas para as sesións interactivas e para as titorías de seguimento do PI.
* Traballo diario: Por respeto aos compañeiros/as de grupo e por compromiso coas tarefas encomendadas, é altamente aconsellable que o alumnado NON deixe o traballo para o final. O alumno/a debe amosar implicación nos traballos, debe participar activamente nas reunións de grupo aportando ideas e coñecementos e debe responder en tempo e forma aos correos e/ou a outros servizos de mensaxería que teña acordado empregar o grupo.
* Entrar con regularidade na A.V. da materia. A materia contará co apoio de materiais subidos á Aula Virtual. O alumnado atopará na A.V. a guía para a realización do proxecto interdisciplinario de curso e as orientacións para realizar calquera outro tipo de tarefa que se lle poida encomendar. Na A.V. estará a bibliografía xeral da materia (debidamente actualizada) e a bibliografía de traballo específica. Este espazo tamén contará con recomendacións de libros, películas, webinars, blogs, curtametraxes, .... sobre temática educativa e social.
*Entrar alomenos 2 veces ao día, no correo electrónico institucional.
*Asistir as titorías: os horarios de titorías da profesora estarán a disposición do alumnado na páxina web da USC e no taboleiro anexo á porta do despacho número 106 (1º andar á man dereita). Haberá uns horarios diferentes para o primeiro e para o segundo semestre.
Teléfono directo: 982821032. Teléfono da conserxería para deixar avisos: 982821005. Correo electrónico: martamaria.poncet [at] usc.es (martamaria[dot]poncet[at]usc[dot]es)
*Asistir a clase en disposición de aprender, compartir e colaborar.
SOBRE A NORMATIVA DE CONVIVENCIA DA USC:
A profesora velará polo cumprimento do regulamento e polo desenvolvemento dos principios que nel se sinalan.
En cumprimento da Lei 3/2022, do 24 de febreiro, de convivencia universitaria, a USC aprobou en marzo de 2023 o Regulamento polo que se establecen as normas de convivencia da USC, que procura establecer as bases das relacións no ámbito universitario, fomentando a utilización preferente de modalidades alternativas de resolución dos conflitos que poidan alterar a convivencia ou que impidan o normal desenvolvemento das funcións esenciais de docencia, investigación e transferencia do coñecemento (https://www.usc.gal/gl/usc/institucional/convivencia)
Consonte ao artigo 40 apartado (e) do mencionado regulamento polo que se establecen as normas de convivencia da USC, considéranse faltas graves, entre outras:
c) Apoderarse indebidamente do contido de probas, exames ou controis de coñecemento.
e) Impedir a celebración de actividades de docencia, investigación ou transferencia do coñecemento, exercendo violencia ou provocando graves alteracións nas actividades, sen prexuízo dos dereitos recoñecidos no artigo 3 da Lei de convivencia universitaria.
f) Cometer fraude académica, cando non constitúa falta moi grave.
g) Utilizar indebidamente contidos ou medios de reprodución e gravación das actividades universitarias suxeitas a dereitos de propiedade intelectual.
No artigo 43 do mencionado regulamento se poden consultar as sancións disciplinarias que corresponden ás faltas leves, graves e moi graves.
SOBRE O USO DAS FERRAMENTAS TECNOLÓXICAS INSTITUCIONAIS que a USC pon a disposición da súa comunidade universitaria (e-mail institucional, Campus Virtual, Microsoft 365) así como outras autorizadas como ferramentas institucionais, tanto para a COMUNICACIÓN — uso do correo electrónico oficial da USC (@rai.usc.es)—como para o TRABALLO ACADÉMICO. Non se aceptarán medios de comunicación externos.
SOBRE A RESPONSABILIDADE MEDIOAMBIENTAL:
Entrega de traballos individuais ou de grupo empregando, preferentemente, o soporte dixital (Aula Virtual ou outros análogos). Cando se solicite entrega de traballos individuais e/ou grupais en formato impreso, teranse en conta as seguintes indicacións (sempre que sexa posible): evitar tapas de plástico/envoltorios
externos innecesarios; empregar grampas; imprimir a dúas caras en calidade “aforro de tinta”; non empregar folios en branco como separadores de capítulos/partes; evitar anexos innecesarios.
SOBRE OS CRITERIOS DE IGUALDADE DE XÉNERO NO ÁMBITO UNIVERSITARIO:
Máis información ao respecto, na seguinte ligazón: http://www.usc.es/export/sites/default/gl/servizos/oix/descargas/lingua…
SOBRE O CUMPRIMENTO DA NORMATIVA DE PROTECCIÓN DE DATOS:
Máis información na seguinte ligazón: https://www.usc.gal/es/politica-privacidad-proteccion-datos
SOBRE O USO DO LOGOTIPO DA USC:
Artigo 15 do Regulamento polo que se establecen as normas de convivencia da USC. Utilización do nome, logotipo e escudo da USC. A utilización do nome, logotipo e escudo da USC non é libre. Está reservada aos órganos e membros da comunidade universitaria para fins académicos ou para outros fins expresamente autorizados, así como ás persoas ou entidades ás que se lles permita o seu uso previo contrato ou convenio. En todo caso, o uso será conforme ás normas e protocolos aprobados pola USC.
SOBRE O REGULAMENTO DE USOS LINGÜÍSTICOS DA UNIVERSIDADE DE SANTIAGO DE COMPOSTELA:
Artigo 7. Usos lingüísticos académicos.
2. Na actividade docente, o profesorado e o estudantado utilizarán a lingua oficial da súa preferencia, sen prexuízo do uso doutras linguas cando estas sexan o obxecto de estudo da materia ou por mor de plans aprobados polos órganos de goberno correspondentes.
3. A programación docente das materias publicarase nas dúas linguas oficiais, galego e castelán, e, de ser o caso, en inglés ou noutras linguas.
4. Na programación docente declararase a lingua ou linguas de impartición por cada materia, grupo e profesor, de acordo coas necesidades de transparencia. Tales datos reflectiranse na información oficial que se forneza sobre as titulacións, para que o alumnado poida coñecela debidamente antes do inicio do curso. Esta información será vinculante e terá efectos oficiais tanto para o profesorado como para o alumnado.
5. O alumnado terá dereito a responder na lingua oficial da súa elección nos exames e outras probas avaliadoras, escritas ou orais. Tamén poderá utilizar outras linguas en casos específicos recollidos na guía docente da materia correspondente.
https://assets.usc.gal/sites/default/files/documents/2023-10/Regulament…
SOBRE O ALUMNADO CON NECESIDADES ESPECÍFICAS DE APOIO EDUCATIVO:
O alumnado con NEAE (Necesidades Específicas de Apoio Educativo) deberá contactar á maior brevidade posible co Servizo de Participación e Integración Universitaria (SEPIU).
Marta Maria Poncet Souto
- Departamento
- Ciencia Política e Socioloxía
- Área
- Socioloxía
- Teléfono
- 982821032
- Correo electrónico
- martamaria.poncet [at] usc.es
- Categoría
- Profesor/a: Profesor Contratado/a Doutor
Pablo Soto Casas
- Departamento
- Ciencia Política e Socioloxía
- Área
- Socioloxía
- Teléfono
- 982821042
- Correo electrónico
- pablosoto.casas [at] usc.es
- Categoría
- Profesor/a: Contratado/a Interino/a por Vacante - T3
| Mércores | |||
|---|---|---|---|
| 13:30-15:00 | Grupo /CLE_01 | Galego, Castelán | Aula 29 |
| Xoves | |||
| 10:30-12:00 | Grupo /CLIS_02 | Castelán, Galego | Aula 26 |
| 12:00-13:30 | Grupo /CLIS_03 | Galego, Castelán | Aula 26 |
| 13:30-15:00 | Grupo /CLIS_01 | Galego, Castelán | Aula 26 |
| 15.01.2025 19:00-21:00 | Grupo /CLE_01 | Aula 24 |
| 15.01.2025 19:00-21:00 | Grupo /CLE_01 | Aula 29 |
| 20.06.2025 12:00-14:00 | Grupo /CLE_01 | Aula 29 |