Laboratorio Láser de Aceleración e Aplicacións (L2A2)

O Laboratorio Láser de Aceleración e outras Aplicacións (L2A2) é unha infraestrutura de investigación equipada cun láser STELA (Santiago TErawatt Laser), que proporciona pulsos ultracurtos de femtosegundo (25 fs) cunha enerxía de 1,2 J e contraste 1010. A instalación tamén ten varias cámaras experimentais de baleiro, sistemas de detección de partículas, un sistema de microprocesamento de alta precisión e varios sistemas de diagnóstico de feixes. Algunhas das súas aplicacións son a aceleración de protóns, a produción de radioisótopos, a produción de harmónicos de alta orde, a produción de nanopartículas, o procesamento de materiais etc.