A USC sitúase nun lugar destacado na clasificación de produtividade da investigación das universidades españolas e europeas e ten unha posición relevante na valoración doutros indicadores como a captación de fondos para proxectos de I+D e de axudas FPI ou FPU, o número de artigos indexados no JCR ou as teses de doutoramento lidas.
O seu alto grao de intensidade na investigación vai acompañado dunha grande empregabilidade da súa produción de coñecemento. Grazas a unha sólida estratexia de valorización, transferencia e promoción do emprendemento, a USC figura entre as 10 universidades españolas con mellores indicadores, cun posicionamento líder en solicitudes de patente e contratos de licenza e unha notable achega á creación de máis dunha trintena de empresas baseadas no coñecemento xerado polos seus investigadores.
A USC conta así mesmo cunha ampla rede de infraestruturas de apoio á investigación con persoal altamente cualificado que dá soporte científico-tecnolóxico a máis de 2.000 investigadores, 299 grupos de investigación, 29 institutos e centros de investigación e 50 departamentos.
O profesor Carlos Acuña Fariña vén de recibir o galardón "Leocadio Martín Migorance" como Premio de Investigación 2024 en Lingüística Inglesa polo seu libro Syntactic Processing. An Overview, editado por Routledge. O premio entregouse no 47 AEDEAN Conference, en Sevilla, destacando a súa achega aos estudos lingüísticos.
Ler máis
Na análise 2024 do ‘Highly Cited Researchers’, tómanse en consideración os artigos que se sitúan entre o 1% dos máis citados no seu eido entre os anos 2013 e 2023
Ler máis
Liderado dende o Campus Terra da USC, o proxecto combate a resistencia antimicrobiana mediante estratexias innovadoras baseadas no concepto One Health
Ler máis
