Acto de doazón bibliográfica en honor ao xeólogo belga Georges Stoops

A familia do profesor belga Georges Stoops, recentemente falecido, fará entrega este venres 7 dunha doazón de fondos bibliográficos ao Centro SECS de Documentación en Ciencias do Solo (Ce. SECS), emprazado na biblioteca da Facultade de Bioloxía.

O acto, a desenvolver a partir das 13.15 horas, contará coa presenza do vicerreitor de Transformación Dixital e Innovación, Gumersindo Feijoo; o decano da Facultade, Jesús López Romalde; a directora da Biblioteca, e o presidente de Delegación territorial de SECS Galicia, ademais da familia do xeólogo belga.