O profesor José María Fernández Palacios ofrece o venres 22 de novembro a conferencia 'Extinción en illas oceánicas. O caso da Macaronesia'. Será a partir das 10.00 horas na Aula 03 da Facultade de Bioloxía. José María Fernández Palacios (As Palmas de Gran Canaria, 1958) é catedrático de Ecoloxía da Universidade de La Laguna desde 2011 e coordinador do grupo de investigación en Ecoloxía e Bioxeografía Insular da devandita universidade.
Entre as súas liñas de investigación destacan, ademais da ecoloxía e a bioxeografía insular, a dinámica forestal da laurisilva e do piñeiral, así como a paleoecoloxía, a ecoloxía da restauración e os impactos dos incendios forestais, as especies exóticas e o pastoreo. É autor dunhas 200 publicacións, a gran maioría en revistas de impacto, e dunha ducia de libros relacionados coa ecoloxía das illas en xeral e a das Illas Canarias en particular.
