Aprazamento do máster class sobre a utilización de novas tecnoloxías na creación de proxectos e documentais para utilización científica

A sesión de videoconferencia que este venres 17 ía impartir a Universidade de Trás-os-Montes e Alto Douro (UTAD) aprázase ata novo aviso, debido a cuestións técnicas. Na xornada íase impartir unha Master class sobre a utilización das novas tecnoloxías na creación de proxectos e documentais para utilización científica. Coa próxima celebración desta sesión, porase fin ás actividades do proxecto de i2CAT coordinado pola Fundación CEER sobre ‘As TIC en industrias culturais emerxentes. Investigación , creación, produción e formación’.