Docentes da EPS falarán sobre a capacidade produtiva dos montes e o futuro da madeira no Congreso Forestal Lugo Sur

A Escola Politécnica Superior do Campus de Lugo estará representada no primeiro Congreso Forestal Lugo Sur que se celebrará os días 20 e 21 en Monforte de Lemos a través da participación dos profesores Guillermo Riesco Muñoz e Santos Gabriel Arenas Ruiz. O encontro, organizado pola mancomunidade de montes Lugo Sur pretende tratar dun xeito exhaustivo a problemática actual da xestión dos montes dende diversas perspectivas.

A USC achegará coñecementos sobre as técnicas aplicadas para manter e mellorar a capacidade produtiva dos montes, no caso do seminario conducido por Riesco Muñoz, e sobre o futuro do sector madeireiro noutro seminario dirixido polo profesor Arenas Ruiz.