Dous ouros, unha prata e un bronce, balance do equipo da USC no Campionato de España universitarios de orientación
As representantes da USC no Campionato de España universitarios de Orientación nas especialidades de sprints, relevos clásicos e media colectaron dúas medallas de ouro, outra de prata e unha terceira de bronce.
Na modalidade de sprint, e concretamente na categoría F-55, proclamáronse campioa e subcampioa, Rosa María Pernas e Margarita Balboa, respectivamente. Neste mesma categoría pero na modalidade de carreira media, repetiu no primeiro posto Rosa María Pernas, mentres que Carla Muñiz rematou en terceira posición na categoría F-12.
En relevos clásicos Rosa María Pernas e Margarita Balboa integraron, xunto con Begoña Crespo, de Vigo, o equipo que representou á Federación Galega desta disciplina, proclamándose campión de España na categoría de Veteranas C.
En media distancia, Rosa Mª Pernas tamén subiu ao máis alto do podio O equipo galego proclamouse campión de España en Veteranas C
