O Ministerio de Defensa renova a cesión da Casa do Hórreo á USC

O reitor Juan Casares asinará o vindeiro luns 22 a renovación do acordo de cesión á USC por parte do Ministerio de Defensa da Casa do Hórreo, un dos dous edificios sobre os que se asenta a Estación de Bioloxía Mariña da Graña (Ferrol). A sinatura celebrarase a partir das 12:00 horas na propia Estación da USC nun acto no que tamén participarán o delegado de Defensa en Galicia, o capitán José Abad, e o xefe de Patrimonio da Subdelegación de Defensa en Galicia, o tenente coronel Luís Seselle. Asisten ademais o equipo directivo da Estación que dirixe o profesor Victoriano Urgorri e o vicerreitor de Investigación, Francisco González. A renovación desta cesión asinada por vez primeira en 1998 realízase por un novo período de dez anos, podendo prorrogarse por período iguais de tempo ata un máximo de 75.