Presentación dos actos da Semana de Benvida do programa Lugo Cultural

Representantes das distintas entidades que se unen para impulsar as actividades culturais da cidade de Lugo dentro do programa Lugo Cultural comparecerán en rolda de prensa mañá xoves 22 de outubro ás 11.15 horas para presentar a Semana de Benvida que se desenvolverá no Campus de Lugo do 25 ao 28 de outubro. Intervirán no acto que se celebrará na sala de prensa da Vicerreitoría de Coordinación do Campus de Lugo o vicerreitor de Extensión Universitaria, Cultura e Sociedade, Javier Garbayo; a encargada da oficina de cultura da USC en Lugo, Paloma Lugilde; o deputado provincial responsable de Cultura, Antonio Veiga; a concelleira de Cultura de Lugo, Nuria Mundiña; e o xefe territorial da Consellaría de Cultura, José Carlos Rodríguez.