Presentación da Guía para la institucionalización del aprendizaje-servicio en la universidad

Guía para la institucionalización del aprendizaje-servicio en la universidad é o título do libro que este mércores 31 presentarán en rolda de prensa a vicerreitora de Comunicación, Cultura e Servizos, Mar Lorenzo Moledo, e o catedrático Miguel Anxo Santos Rego, coordinadores do volume. Na presentación que se celebrará no Salón Reitoral do Colexio de San Xerome a partir das 11.30 horas tamén intervirá o director do Servizo de Publicación Juan Blanco Valdés.

Esta guía deriva dun traballo de investigación en equipo que articulou a colaboración efectiva e continuada de seis universidades españolas (A Coruña, Complutense de Madrid, Córdoba, Navarra, USC e Valencia) baixo a coordinación da institución docente compostelá e no marco do proxecto ‘Aprendizaje-servicio e innovación en la universidad. Un programa para la mejora del rendimiento académico y el capital social de los estudiantes’ cuxa finalidade principal foi a validación dun modelo de institucionalización da metololoxía de aprendizaxe-servizo na universidade.