O profesor Juan Gestal Otero elixido decano da Facultade de Medicina e Odontoloxía

O catedrático Juan Gestal Otero acaba de ser elixido decano da Facultade de Medicina e Odontoloxía logo do proceso electoral celebrado este xoves 16 neste centro compostelá e ao que tamén se presentara o profesor Antonio Crespo. Na votación, Gestal Otero obtivo 104 votos, por 74 de Antonio Crespo, 18 en branco e 1 nulo.

O novo equipo complétano os profesores Víctor Arce, Inma Tomás e José Carreira como vicedecanos e Luis Lima como secretario. Juan Gestal toma deste xeito o relevo de José Mª Fraga Bermúdez que estivo ao fronte da Facultade os últimos 8 anos.