Uniemprende desenvolverá unha nova xornada de motivación empresarial, agora na Escola Politécnica Superior

Uniemprende-Lugo trasladará o martes 2 de novembro as xornadas de motivación empresarial á Escola Politécnica Superior continuando coa actividade levada a cabo nos pasados días e dirixida aos alumnos de Administración e Dirección de Empresas do Campus de Lugo. Este Seminario para a Difusión da Creación de Empresas en Lugo enmárcanse dentro dos obxectivos do programa Uniemprende da USC para difundir a cultura emprendedora entre a comunidade universitaria. A finalidade básica desta iniciativa é a de amosar, a través de exemplos de experiencias reais de emprendedores, cómo se xeran as ideas empresariais para demostrar que calquera persoa pode realizar un proxecto destas características. O contido da xornada estrutúrase en tres partes: o estudo da figura do emprendedor, o traballo sobre a idea de negocio, e o xeito de facer realidade e poñer en funcionamento a empresa.

A xornada dirixida aos alumnos da Politécnica dará comezo a partires das 10.00 horas, e supón a continuación dun programa que desenvolverá máis iniciativas deste xénero no mes de novembro, percorrendo diversos centros do Campus de Lugo.