Universia e Netbiblo presentan Transfire coñecemento en Rede para a publicación de libros científico-técnicos

A rede Universia e a editorial Netbiblo lanzan a primeira convocatoria de ‘Transfire coñecemento en Rede’, un proxecto a través do cal todos os investigadores poden publicar, en soporte papel ou dixital, obras científico-técnicas de calidade. O programa Kepler consiste na coedición de resultados da investigación realizada nas universidades e centros de investigación do CSIC. A institución ou persoa que coedita a obra compra 50 exemplares, o resto da tirada destínase á canle de distribución nacional e internacional de Netbiblo entre os que se atopan entidades como Fnac, Casa do Libro, Amazon, etc. e as principais librerías con sección técnica. Obviamente todas as edicións xerarán dereitos de autor. Doutra banda, o programa e-Kepler ao ser en formato dixital permite unha redución do 35% no custo da coedición. Trátase de editar un máximo de 100 títulos anuais con alta calidade de edición e cun prezo competitivo. Cada libro terá o seu ISBN e DOI correspondente. Universia e Netbiblo pretenden crear un contido en lingua española que posibilite á comunidade universitaria unha nova vía de visibilidade da súa produción científica tanto en soporte papel, como en formato dixital. O principal obxectivo tanto para os investigadores como para os profesionais procedentes das institucións académicas é que poidan dar a coñecer os resultados da súa investigación cuns custos asumibles ou ata sen custos naqueles casos en que poida lograrse o financiamento da edición por parte dalgunha institución pública ou privada. Requisitos Para participar nesta convocatoria o autor deberá pertencer a unha das universidades ou institucións adscritas á Rede Universia, o idioma da publicación será a lingua española e os textos terán que ser inéditos e non poderán ser editados en ningún sitio. A proposta de publicación deberá enviarse a través de www.netbiblo.com, facendo clic sobre o logo de Universia. Achegarase un resumo da obra (máx. 2 páxinas), un breve currículo dos autores, datos de contacto, a modalidade á que opta (Kepler ou e-Kepler), descrición da disciplina á que pertence e os datos da universidade.

Unha vez realizada a solicitude, o Comité Editorial Universia-Netbiblo será o encargado de seleccionar os títulos a publicar.