O contacto cos nosos titulados, é dicir, os egresados, é fundamental para o Máster en Enxeñería Ambiental. Ao longo de 15 anos, construímos unha sólida rede de máis de 100 egresados, o que nos permite mantelos informados sobre as nosas actividades e convidalos a participar en diversos eventos.
Esta relación é altamente beneficiosa para ambas as partes: os egresados poden seguir vinculados á Universidade, mentres que nós obtemos unha valiosa perspectiva sobre as súas experiencias no mundo laboral, o que nos axuda a fortalecer e ampliar a nosa rede de contactos.
Egresados e Xornadas de Emprego en Enxeñería Ambiental
Una das iniciativas máis recentes foi a organización das Xornadas de Emprego en Enxeñería Ambiental, concibidas como un espazo de encontro entre estudantes e profesores do Máster, profesionais do sector e egresados.
As dúas edicións realizadas ata a data foron moi ben recibidas polos tres colectivos involucrados. Tanto os participantes do Máster como os profesionais máis experimentados valoraron positivamente a experiencia. En especial, queremos agradecer a participación dos nosos egresados, quen compartiu as súas vivencias sobre a transición do ámbito académico ao laboral, brindándonos valiosas historias e aprendizaxes.
