Na Facultade de Humanidades impártense o Grao en Xestión Cultural, o Máster Universitario en Servizos Culturais e o Programa de Doutoramento Estudos Culturais: Memoria, Identidade, Territorio e Linguaxe que, no seu conxunto, constitúen un itinerario formativo completo para o alumnado dentro do ámbito da Xestión Cultural. A Facultade está localizada nun entorno con abundantes instalacións deportivas: Pazo dos Deportes, pistas de atletismo, piscina universitaria, e moi preto da Biblioteca Intercentros de Lugo e do Centro de Linguas Modernas da USC.