Prácticas Externas en empresas
A materia Prácticas Externas ten 6 ECTS e é de carácter obrigatorio, o que supón que os nosos estudantes realizarán un mínimo de 150 horas (1 mes a xornada completa aproximadamente) en empresas e centros de investigación.
Colaboran co Máster máis de 125 empresas e centros de investigación de referencia na Enxeñería Ambiental (Viaqua, AIMEN, AMBIO, FCC Aqualia, Citröen, CODISOIL, Conservas Isabel, CEIT, CSIC, DETEGASA, ENCE, ENDESA, ENMACOSA, Espina y Delfín, Fomento de Construcciones y Contratas, Gestagua, IDOM, Infinita Renovables, Labaqua, Reganosa, Renova, Serviguide etc.).
As prácticas externas mantéñense por parte dos estudantes como o módulo mellor valorado do Máster de forma continuada a longo dos anos (non hai datos do curso 2022-23 polo cambio de plan de estudos, onde esta materia pasou ao 2.º ano).
Prácticas Externas Extracurriculares
Ademais das Prácticas Externas contempladas no plan de estudos da titulación (denominadas tamén curriculares), na actualidade ofrécese aos alumnos do Máster a posibilidade de estendelas ata un máximo de 900 horas mediante as denominadas Prácticas Externas Extracurriculares (750 horas). Esta é unha posibilidade cada vez máis usada polos estudantes para ampliar a súa formación no mundo da empresa.