O número de grupos de investigación que colabora no Máster é moi alto, tanto da USC como doutras universidades españolas e estranxeiras, así como centros de investigación de especial relevancia como o CSIC. Entre todos eles, cómpre destacar a conexión entre o Máster e o Centro Singular CRETUS.
Centro de Investigación Interdisciplinaria en Tecnoloxías Ambientais (CRETUS)
No mundo da investigación destaca a estreita colaboración do Máster co Centro Singular CRETUS, centro de referencia da USC no campo das ciencias e tecnoloxías ambientais.
A través de CRETUS lévanse a cabo numerosas colaboracións e accións de difusión cun número moi elevado de centros de investigación internacionais, xa que os investigadores deste centro (onde se inclúe o 53 % do profesorado do Máster) contan cunha ampla rede de contactos a nivel nacional e internacional.
