O festival presenta un programa extenso, focalizado en música electrónica e de vangarda, artes visuais, cinema, instalacións, obradoiros e conferencias. A experiencia do festival representa unha verdadeira ruta turística, arquitectónica e artística a través da cidade. O festival WOS foi recoñecido como o mellor festival Indoor de Europa en 2018, mellor promoción turística no 2019 e mellor festival Indoor a nivel nacional no 2022 nos European Festival Awards (EFA).
Búscase xente responsable, con interese cultural, dinámicas e con ganas de colaborar para axudar nos labores básicos de produción dun festival.
As tarefas requiridas inclúen:
- Asistencia ao persoal técnico e de produción, tanto en oficina coma nos espazos das actuacións.
- Preparación de packs de benvida e información.
- Control de acreditacións.
Horario: flexible por quendas de mañá ou tarde. 3/4 horas aproximadamente. A partir das 22.00h as/os voluntarias/os poderán asistir ao festival como público.
Prazas: 25
Non é necesario estar matriculado na USC para poder participar como voluntaria/o.
Prazo de inscrición: ata o venres, 5 de setembro de 2025, ás 14h.