Entrega de premios do XXXI Maratón fotográfico da USC

As entidades organizadoras do XXXI Maratón fotográfico da USC, unha actividade incluída na programación do Outono Cultural, celebrarán o 5 de novembro na Biblioteca Universitaria Intercentros do campus de Lugo a cerimonia de entrega dos premios do certame ao tempo que se inaugura unha mostra cunha escolma das fotografías presentadas ao certame.

Esta iniciativa enmárcase dentro da programación artellada ao abeiro do convenio Lugo Cultural, que recibe financiamento da USC, Cultura e Turismo do Concello de Lugo e da Vicepresidencia da Deputación Provincial de Lugo.