A Facultade de Formación do Profesorado acolle o mércores 21 de novembro ás 13.00h a xornada ‘Condución e consumo de drogas’
A Fundación Galega contra o Narcotráfico e a Facultade de Formación do profesorado organizan a xornada ‘Condución e consumo de drogas’, na que se abordarán diversos contidos relacionados coas...
Lugo
A Fundación Galega contra o Narcotráfico e a Facultade de Formación do profesorado organizan a xornada ‘Condución e consumo de drogas’, na que se abordarán diversos contidos relacionados coas consecuencias da condución de vehículos baixo os efectos do alcol e outras drogas, con especial atención ás derivacións desta problemática no ámbito sanitario e legal.
Formación do Profesorado acollerá o acto o mércores 21 de novembro entre as 13.00h e as 14.30h coa intención de informar e sensibilizar á poboación universitaria de Galicia sobre o grave perigo que supón o consumo de drogas unido á condución de vehículos.