O programa de apoio a mozos emprendedores Explorer 2019 abre o seu prazo de preinscrición

O programa Explorer, promovido por Santander Universidades e dirixido e coordinado polo Centro Internacional Santander Emprendemento, mantén aberto o seu formulario de preinscrición para os mozos e mozas de entre 18 e 31 anos que desexen participar na súa edición de 2019 para recibir asesoramento personalizado sobre emprendemento e lograr así desenvolver os seus proxectos innovadores.

Os e as participantes terán a oportunidade de recibir, ao longo de cinco meses, no Explorer Lugo Space, situado na Facultade de Administración e Dirección de Empresas do Campus Terra, formación en materia de emprendemento para desenvolver unha idea innovadora e acceso a espazos de coworking. Os mellores proxectos que participen no programa viaxarán a Silicon Valley e optarán a 60.000 euros en premios. Preme neste enlace para obter máis información.