Creada en colaboración co Departamento de Historia Contemporánea e de América en decembro de 2005, no marco das actividades organizadas pola Fundación Juana de Vega para conmemorar o bicentenario do nacemento da súa fundadora (1805), fixa como obxectivos promover o desenvolvemento de actividades tanto de investigación, como de formación, debate e divulgación sobre tres aspectos centrais de historia contemporánea de Galicia:
O obxectivo desta Cátedra é promover o debate, a reflexión, a investigación e o desenvolvemento de actividades que conduzan á realización de estudos e proxectos de investigación, así como a formación e divulgación de traballos relacionados coas seguintes materias:
- Historia das mulleres: o seu papel na política, economía e sociedade de Galicia.
- Investigacións sobre a vida e obra de Juana de Vega no contexto da historia do liberalismo galego.
- As iniciativas e procesos modernizadores do sector primario de Galicia (séculos XIX e XX).
Serán actividades da cátedra a realización de cursos, seminarios, conferencias, congresos que redunden na difusión e o coñecemento dos ámbitos de interese da Cátedra Juana de Vega.
