Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Física Aplicada
Áreas: Física Aplicada
Centro Escola Politécnica Superior de Enxeñaría
Convocatoria:
Docencia: Sen docencia (Extinguida)
Matrícula: Non matriculable
Como resultado da aprendizaxe, o alumnado deberá comprender e dominar os conceptos básicos sobre as leis xerais da mecánica, termodinámica, campos, ondas e electromagnetismo, así como a súa aplicación para a resolución de problemas propios da enxeñaría.
Comezamos enumerando dous obxectivos que son comúns a todo o temario:
• Entender as implicacións da teoría a un nivel que permita responder cuestións breves relativas a aplicacións, consecuencias, predición de comportamentos, orixe de fenómenos observados na vida cotiá e relacións conceptuais.
• Manexar con soltura as unidades das magnitudes de interese no Sistema Internacional, así como os seus múltiplos e submúltiplos. Nos temas de Termodinámica tamén se espera que o estudantado aprenda a realizar conversións que involucren outras unidades moi usadas na práctica (ºC, ºF, atm, dina/cm2, cal, atm·L,...).
Desagréganse a continuación os obxectivos de tipo práctico a acadar en cada tema.
Termodinámica-I.- Temperatura, Dilatación, Gases e Diagramas de Fase
• Distinguir entre temperatura e o seu incremento á hora de realizar conversións entre escalas.
• Resolver problemas simples de dilatación e saber aplicar o concepto de dilatación aparente dun líquido.
• Diferenciar entre esforzos térmicos de tensión e de compresión.
• Coller soltura no manexo da ecuación dos gases ideais nas súas diversas formas.
• Extraer información de diagramas de fase de substancias puras e representar neles procesos simples.
• Aplicar o concepto de presión de saturación ao cálculo de cantidades evaporadas.
Termodinámica-II.- Calor e Transmisión da Calor
• Calcular o estado final en problemas de mestura de substancias a distintas temperaturas, que poden involucrar ou non cambios de fase dalgún compoñente.
• Saber interpretar curvas de quecemento.
• Resolver problemas sinxelos de condución de calor para asociacións de dous ou tres elementos resistivos colocados en serie ou en paralelo, incluíndo no primeiro caso a determinación da temperatura en interfases.
• Aplicar a teoría de Prevost e a lei de Stefan-Boltzmann en situacións simples.
Termodinámica-III.- 1º e 2º Principios da Termodinámica
• Predicir o signo do traballo, calor e cambio de enerxía interna en procesos termodinámicos típicos dun sistema calquera.
• Representar procesos dun gas ideal nun diagrama p-V.
• Adquirir soltura nos cálculos de traballo, calor intercambiada e cambio de enerxía interna en procesos dun gas ideal, así como na predición dos signos a efectos de comprobación.
• Resolver ciclos termodinámicos, incluíndo cálculos de rendemento.
• Deducir a expresión analítica máis simple posible do rendemento dun ciclo termodinámico dado como función de variables de estado (ciclos de Otto, Joule, Carnot...).
Electromagnetismo-I.- Electrostática e Campo Eléctrico na Materia
• Calcular densidades de carga en distribucións continuas e homoxéneas.
• Saber interpretar as liñas de campo (e trazalas en casos sinxelos).
• Acostumarse a usar os conceptos de campo eléctrico e potencial para o cálculo de forzas de Coulomb e enerxías potenciais. Comprobar a utilidade do potencial.
• Coller soltura na aplicación do principio de superposición ao campo eléctrico e ao potencial xerados por cargas puntuais (e en particular por un dipolo).
• Achar o momento de forzas que sofre un dipolo inmerso nun campo eléctrico uniforme.
• Detectar en cales casos se pode aplicar o teorema de Gauss e sacarlle partido para o cálculo de campos e potenciais, ou para a determinación de cargas.
• Manexar con soltura cálculos de capacidade e carga dun condensador, diferenza de potencial e campo entre armaduras e enerxía almacenada.
• Entender que a variación destas magnitudes ante cambios xeométricos ou modificacións no dieléctrico depende da (des)conexión do condensador á fonte.
• Resolver redes de condensadores (conectados en serie, en paralelo e formando asociacións mixtas).
• Realizar cálculos de transferencia de carga e de enerxía entre condensadores.
Electromagnetismo-II.- Corrente Continua
• Realizar cálculos de densidade de corrente, velocidade de arrastre, campo e resistencia nun condutor.
• Adquirir soltura na diferente colocación dun polímetro nun circuíto en función da magnitude a medir.
• Practicar a resolución de problemas simples de asociación de resistencias, cálculo de fem., da súa resistencia interna e da voltaxe entre bornes.
• Aprender a realizar determinacións de potencia e potencia útil.
• Resolver circuítos con varias mallas.
Electromagnetismo-III.- Campo Magnético: Efectos e Fontes
• Resolver problemas en relación a cargas móbiles en presenza de campos eléctricos e magnéticos, incluíndo cálculos de traxectorias.
• Realizar determinacións de fluxo magnético.
• Saber calcular forzas magnéticas e os seus momentos sobre condutores de diversas xeometrías con corrente circulante.
• Manexar o concepto de momento dipolar magnético dunha espira ou dunha bobina.
• Aprender a determinar o campo magnético orixinado por cargas en movemento e condutores de diversas xeometrías con corrente circulante.
• Detectar en que casos é posible simplificar a tarefa anterior empregando a lei de Ampère e coller soltura na súa aplicación.
• Estimar como será a forza mutua entre dous condutores polos que circula corrente ou entre dous elementos dun condutor dado.
Electromagnetismo-IV.- Indución Electromagnética
• Resolver problemas de cálculo de fem. e corrente inducidas, prestando especial atención á correcta determinación do seu sentido.
• Determinar valores de indutancias e autoindutancias en situacións simples.
Electromagnetismo-V.- Corrente Alterna
• Comprender os principios da xeración de corrente alterna, coñecer as súas características e o seu efecto sobre resistencias, bobinas e condensadores.
• Introducir o concepto de impedancia.
• Ser capaz de representar o diagrama fasorial dun circuíto.
• Interpretar o desfase entre diferenza de potencial e intensidade de corrente en circuítos de corrente alterna.
• Analizar circuítos RLC. Resonancia.
• Calcular a potencia dun circuíto de corrente alterna. Introducir o termo de factor de potencia.
• Coñecer a notación complexa en corrente alterna.
Nas memorias dos graos en Enxeñaría Agrícola e Agroalimentaria (GEAA) e Enxeñaría Forestal e do Medio Natural (GEFMN) figuran para a materia Física II os seguintes contidos:
Calor e temperatura. Termodinámica. Principios e aplicacións. Electromagnetismo. Ondas electromagnéticas. Análise de circuítos.
Estes contidos serán desenvoltos de acordo ao seguinte temario. Para cada tema indícanse do seguinte xeito as horas presenciais (hp) e non presenciais (hnp): Título do tema (hp, hnp). A asignación de horas é aproximada.
Termodinámica-I.- Temperatura, Dilatación, Gases e Diagramas de Fase (8, 13)
o Temperatura. Equilibrio térmico
o Termómetros e escalas termométricas. Escala de temperatura absoluta
o Dilatación de sólidos. Esforzo térmico
o Dilatación de líquidos. Dilatación anómala da auga
o Conceptos de estado de equilibrio termodinámico, variables de estado, ecuación de estado, magnitudes intensivas e extensivas
o Gases ideais. Ecuación de estado do gas ideal e a súa representación no diagrama p-V
o Gases reais. Ecuación de estado de van der Waals
o Cambios de fase. Diagramas p-V e p-T. Ebulición
Termodinámica-II.- Calor e Transmisión da Calor (7, 13)
o Calor
o Calor específica e capacidade calorífica
o Lei de Mayer
o Calorimetría
o Calor latente
o Curvas de quecemento
o Condución. Resistencias térmicas. Condutividade en fluídos
o Convección. Aplicacións prácticas e consecuencias na Natureza
o Radiación. Lei do desprazamento de Wien. Teoría de Prevost. Corpo negro. Lei de Stefan-Boltzmann
o Intercambio térmico
Termodinámica-III.- 1º e 2º Principios da Termodinámica (8, 13)
o Traballo e calor nun proceso termodinámico. Dependencia do camiño
o Enerxía interna. Primeiro principio da Termodinámica
o Consecuencias do primeiro principio no gas ideal. Entalpía
o Máquinas térmicas. Segundo principio da Termodinámica. Rendemento. Ciclos Otto e Diesel
o Refrixeradores. Eficiencia. Acondicionador de aire e bomba de calor
o Procesos reversibles e irreversibles. Teorema de Carnot. Máquina de Carnot. Refrixerador de Carnot
o Máquinas de vapor. Ciclo de Rankine
o Entropía
Electromagnetismo-I.- Electrostática e Campo Eléctrico na Materia (8, 13)
o Concepto de carga eléctrica e principio de conservación. Distribucións continuas de carga
o Lei de Coulomb e principio de superposición
o Campo eléctrico debido a cargas en repouso e principio de superposición. Liñas de campo
o Dipolo eléctrico. Acción do campo electrostático sobre un dipolo
o Diferenzas entre medios condutores e dieléctricos. Semicondutores
o Potencial eléctrico e principio de superposición. Enerxía potencial. Superficies equipotenciais
o Campo e carga en condutores. Gaiola de Faraday. Concepto de xerador
o Fluxo eléctrico. Teorema de Gauss e as súas aplicacións
o Poder das puntas
o Polarización dun dieléctrico. Cargas ligadas. Campo de polarización. Susceptibilidade eléctrica dun dieléctrico. Perforación dun dieléctrico
o Condensadores. Carga e capacidade dun condensador. Capacidade dun condutor. Enerxía almacenada por un condensador
o Tipos de condensadores
o Influencia do dieléctrico sobre a capacidade. Rixidez dieléctrica
o Asociacións de condensadores
o Aplicacións dos condensadores en corrente continua
Electromagnetismo-II.- Corrente Continua (8, 13)
o Descrición cualitativa e cuantitativa da corrente eléctrica. Intensidade
o Densidade de corrente. Ecuación de continuidade
o Lei de Ohm. Condutividade e resistencia
o Asociacións de resistencias e resistencias variables
o Medidas de intensidade e voltaxe
o Potencia calorífica disipada: Efecto Joule
o Xeradores. Forza electromotriz. Lei de Ohm xeneralizada. Asociacións de xeradores
o Receptores e forza contraelectromotriz
o Circuítos de corrente continua. Leis de Kirchoff. Método matricial para o cálculo de redes de condutores
Electromagnetismo-III.- Campo Magnético: Efectos e Fontes (3.5, 10)
o O magnetismo e a súa orixe
o Campo magnético. Lei de Lorentz
o Liñas de campo. Fluxo magnético e lei de Gauss para o magnetismo
o Movemento de cargas nun campo magnético
o Forza magnética sobre un condutor polo que circula corrente. Forza e momento de forzas sobre unha espira. Motor de corrente continua
o Campo magnético creado por unha carga en movemento. Lei de Biot-Savart. Campo creado por condutores rectos, espiras e bobinas con corrente circulante
o Forza magnética entre condutores paralelos
o Lei de Ampère e as súas aplicacións
Electromagnetismo-IV.- Indución Electromagnética (3.5, 10)
o Indución electromagnética. Lei de Faraday e lei de Lenz
o Indución mutua
o Autoindución
o Asociacións de indutancias
o Enerxía almacenada nunha indutancia
Electromagnetismo-V.- Corrente Alterna (2, 11)
o Xeración de forzas electromotrices alternas.
o Sinais sinusoidais. Valores medios e eficaces
o Análise de circuítos en alterna. Impedancia e admitancia. Lei de Ohm
o Potencia nun circuíto de corrente alterna
o Circuítos RLC. Resonancia
o Alternadores e transformadores
Prácticas de laboratorio para cada unidade didáctica:
Termodinámica
o Dilatación lonxitudinal de sólidos e dilatación de líquidos
o Ecuación dos gases ideais
o Calorimetría: Calores específicas de sólidos e calor latente do xeo
o Casa térmica: Réxime estacionario
Electromagnetismo
o Manexo do polímetro: Asociacións de resistencias
o Manexo do polímetro: Circuítos de corrente continua
o Indución electromagnética
O tempo dedicado no laboratorio a cada práctica é de 4 h. Cada estudante realizará 3 prácticas de entre as arriba citadas, o que suma un total de 12 h de traballo presencial no laboratorio. Estímase que a elaboración dos corrrespondentes informes (traballo non presencial) non debería superar as 3 h, dado que o alumnado xa sae do laboratorio co traballo moi avanzado.
Toda a bibliografía recomendada pode atoparse na Biblioteca Intercentros. Escolléronse edicións das cales hai un número razoable de exemplares en catálogo (entre 4 e 14 dependendo do caso), vantaxe coa que non contaríamos de termos optado por edicións máis recentes.
Bibliografía básica
SEARS, F.W.; ZEMANSKY, M.W.; YOUNG, H.D.; FREEDMAN, R.A.: Física Universitaria. (2 vol.). Ed. Addison Wesley Iberoamericana, 1998-99. *
Versión electrónica (na súa 12ª edición):
Sears/Zemansky - Física Universitaria, Vol 1:
https://www.u-cursos.cl/ingenieria/2019/2/FI1100/4/material_docente/o/2…
Sears/Zemansky - Física Universitaria, Vol 2:
https://www.u-cursos.cl/ingenieria/2019/2/FI1100/4/material_docente/o/2…
Bibliografía complementaria
LLEÓ, A.: Física para Ingenieros. Ed. Mundi-Prensa, 2001.
SERWAY, R.A.; BEICHNER, R.J. : Física para Ciencias e Ingeniería. (2 vol.). Ed. McGraw-Hill, 2002. *
TIPLER, P.A.: Física para la Ciencia y la Tecnología. (2 vol.). Ed. Reverté, 1999. *
CATALÁ DE ALEMANY, J.: Física General, 1977.
PRESTON, DARYL W. The Art of experimental physics Publicación New York : John Wiley & Sons, 1991. ISBN 0-471-84748-8
* Conteñen problemas-tipo resoltos a modo de exemplo en cada sección.
Libros de problemas
LLEÓ, A.: Problemas y Cuestiones de Física. Ed. Mundi-Prensa, 2002.
FRAILE MORA J. Problemas de electrotecnia, parte 1. Universidad Politécnica de Madrid, 1985
GRAO EN ENXEÑARÍA AGRÍCOLA E AGROALIMENTARIA (G4091107)
Competencias XERAIS
• Coñecemento en materias básicas, científicas e tecnolóxicas que permitan unha aprendizaxe continua, así como unha capacidade de adaptación a novas situacións ou contornos cambiantes. (CX 1)
• Capacidade de resolución de problemas con creatividade, iniciativa, metodoloxía e razoamento crítico. (CX 2)
• Capacidade para desenvolver as súas actividades, asumindo un compromiso social, ético e ambiental en sintonía coa realidade do contorno humano e natural. (CX 5)
• Capacidade para o traballo en equipos multidisciplinares e multiculturais. (CX 6)
Competencias ESPECÍFICAS
• Comprensión e dominio dos conceptos básicos sobre as leis xerais da Termodinámica, Campos e Ondas, e Electromagnetismo e a súa aplicación para a resolución de problemas propios da enxeñaría. (FB5)
• Saber aplicar os coñecementos teóricos á resolución de problemas prácticos propios da Enxeñaría Agrícola, Forestal ou Agroalimentaria.
• Practicar a análise de problemas diversos, sabendo como reducilos aos seus aspectos fundamentais.
• Establecer valoracións obxectivas entre as diferentes posibilidades de afrontar un problema.
• Alimentar a curiosidade e o interese pola observación, interpretación e coñecemento dos fenómenos físicos.
• Practicar o razoamento correcto utilizando o método científico.
• Estimular o uso de computadores para simulación de fenómenos físicos e análise de datos.
Competencias TRANSVERSAIS
• Capacidade para o razoamento e a argumentación. (CT2)
• Capacidade de traballo individual, con actitude autocrítica. (CT3)
• Capacidade para traballar en grupo e de abordar situacións problemáticas de forma colectiva. (CT4)
• Capacidade para obter información axeitada, diversa e actualizada. (CT5)
• Capacidade para realizar unha exposición en público de xeito claro, conciso e coherente. (CT7)
• Compromiso de veracidade da información que ofrece aos demais. (CT8)
• Habilidade no manexo das TICs. (CT9)
• Utilización de información bibliográfica e de Internet. (CT10)
• Emprego de información en lingua estranxeira. (CT11)
GRAO EN ENXEÑARÍA FORESTAL E DO MEDIO NATURAL (G4071107)
Nesta materia o alumno adquirirá unha serie de competencias xenéricas, desexables en calquera titulación universitaria, e outras mais específicas, propias da enxeñaría. Dentro do cadro de competencias que se deseñou para a titulación, traballaranse as seguintes:
Competencias BÁSICAS
- CB1 - Que os estudantes teñan demostrado posuír e comprender coñecementos nunha área de estudo que parte da base da educación secundaria xeneral, e adoita atoparse a un nivel que, se ben se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo
- CB2 - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos na resolución de problemas dentro da súa área de estudo
- CB3 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética
- CB4 - Que os estudantes podan transmitir información, ideas, problemas e solucións a un público tanto especializado como non especializado
- CB5 - Que os estudantes teñan desenvolvido aquelas habilidades de aprendizaxe necesarias para emprender estudos posteriores cun alto grao de autonomía
Competencias XERAIS
- CX1 - Capacidade para comprender os fundamentos biolóxicos, químicos, físicos, matemáticos e dos sistemas de representación necesarios para o desenvolvemento da actividade profesional, así como para identificar os diferentes elementos bióticos e físicos do medio forestal e os recursos naturais renovables susceptibles de protección, conservación e aproveitamentos no ámbito forestal
- CX14 - Capacidade para entender, interpretar e adoptar os avances científicos no campo forestal, para desenvolver e transferir tecnoloxía e para traballar nun entorno multilingüe e multidisciplinar.
Competencias ESPECÍFICAS
- CEFB3 - Coñecementos básicos sobre o uso e programación das computadoras, sistemas operativos, bases de datos e programas informáticos con aplicación en enxeñaría
- CEFB5 - Comprensión e dominio dos conceptos básicos sobre as leis xerais da mecánica, termodinámica, campos, e ondas e electromagnetismo e a súa aplicación para a resolución de problemas propios da enxeñaría
Competencias TRANSVERSAIS
- CT2 - Capacidade para o razoamento e a argumentación.
- CT3 - Capacidade de traballo individual, con actitude autocrítica.
- CT4 - Capacidade para traballar en grupo e de abordar situacións problemáticas de forma colectiva.
- CT5 - Capacidade para obter información axeitada, diversa e actualizada.
- CT7 - Capacidade para realizar unha exposición en público de xeito claro, conciso e coherente.
- CT8 - Compromiso de veracidade da información que ofrece aos demais.
- CT9 - Habilidade no manexo das TICs.
- CT10 - Utilización de información bibliográfica e de Internet.
- CT11 - Emprego de información en lingua estranxeira.
O desenvolvemento das actividades programadas da materia levarase a cabo en diferentes tipos de sesións. Na listaxe de embaixo especifícanse entre parénteses o número máximo de estudantes por grupo e as competencias traballadas en cada grao. Para maior simplicidade, non se explicitan determinadas competencias que serán traballadas en todas as actividades: FB5 e CX1 en GEAA; CB1, CB2, CB3, CB4, CB5, CEFB5 e CX1 en GEFMN.
Grupo grande (80) (CX5 en GEAA; CT2 e CT3 nos 2 graos)
• Clases maxistrais de contido teórico
• Mini-controis por sorpresa (avaliación continua)
Grupos reducidos (20)
• Seminarios para realización de problemas-tipo (ampliación e aplicación das explicacións anteriores) (CX2 en GEAA)
• Clases prácticas de laboratorio (estudo de casos, traballo en equipo, aprendizaxe cooperativa, demostración de procedementos específicos) (CX2 e CX6 en GEAA; CEFB3 e CX14 en GEFMN; CT2, CT3, CT4, CT5, CT8 e CT9 nos 2 graos)
Grupos moi reducidos (10) (CX2 e CX5 en GEAA; CT2, CT3, CT5, CT7 e CT10 nos 2 graos)
• Titorías en aula e/ou a través de MSTeams (resolución de dúbidas, discusión de cuestións, fomento das habilidades orais)
Aula Virtual (CX2 e CX5 en GEAA; CT3, CT5, CT9, CT10 e CT11 nos 2 graos)
• Guía docente
• Presentación comentada da materia e cronograma de actividades
• Presentacións das clases maxistrais
• Boletíns de cuestións
• Boletíns de problemas e as súas solucións
• Cuestionarios de autoavaliación
• Guións de prácticas (para laboratorios físico e virtual) e cronograma de laboratorio
• Ferramentas para a entrega de tarefas
• Ligazóns a diverso material complementario para cada tema:
- Vídeos (algúns en inglés)
- Novas relacionadas na prensa escrita
- Artigos de divulgación científica
- Applets de Java (algúns en inglés)
- Contidos interactivos con H5P
• Foros de discusión
• Correo electrónico
• Taboleiro de anuncios
A experiencia acumulada de anos anteriores indica que unha elevada porcentaxe do alumnado non ten posibilidade de asistir ás clases presenciais coa regularidade desexada, xa sexa por motivos laborais (traballo por conta propia, por conta allea, en explotacións familiares…) ou académicos (estudantes repetidores e procedentes de titulacións xa extintas, que levan a un tempo materias de cursos diferentes). Por tal razón, o sistema de avaliación está deseñado para non discriminar nin restar oportunidades a este tipo de estudantes (concédalles ou non a dispensa de asistencia), sen prexuízo de que a proveitosa realización de certas actividades na aula poida ser premiada no caso das alumnas e alumnos que si asisten.
A asistencia a todas as clases e actividades, aínda sendo altamente recomendable, só ten carácter obrigatorio no caso das prácticas de laboratorio. En calquera caso, a asistencia en si mesma non implicará ningún tipo de valoración. Isto significa que en principio é posible obter a máxima cualificación na materia realizando correctamente as prácticas e o exame final. Agora ben, quen asista con regularidade ás clases presenciais terá acceso á avaliación continua e contará coa posibilidade de obter puntuación 'extra' que lle facilite a superación da materia.
• Prácticas de laboratorio (Peso Máximo na nota final: 30%). Estarán divididas en 3 sesións de 4 horas cada unha delas. Os alumnos organizaranse preferentemente en equipos de 2 persoas. Cada grupo realizará unha práctica distinta por sesión. O informe de cada práctica entregarase antes de que transcorran 7 días desde a súa finalización. Valorarase globalmente o informe de cada equipo, así como a actitude, aptitude e desempeño durante a realización da práctica.
• Proba ou probas, orais e/o escritas (Peso Máximo na nota final: 70%). Os alumnos deberán superar un exame final da materia (complementaria á avaliación continua) na 1ª ou na 2ª oportunidade para poder realizar a ponderación de notas. Aqueles discentes con nota inferior a 5 puntos sobre 10 neste exame final consideraranse suspensos aínda que a media coa nota de prácticas e avaliación continua (no caso en que esta aplique) resulte nunha cualificación superior ao 5. Estas probas escritas estarán conformadas por unha banda de teoría e outra de problemas para avaliar a comprensión e asimilación dos conceptos, a capacidade de relacionalos entre si e aplicalos a resolución de problemas no ámbito da enxeñería. A nota en cada unha das partes do exame non debe ser inferior ao 40% da parte correspondente para poder aprobar.
Resumo do sistema de avaliación no que se indica o peso porcentual de cada contribución á nota final da materia e as competencias específicas correspondentes.
Exame final (70% da cualificación final da materia no caso de que non aplique avaliación continua; competencias específicas: CT3). Para poder aprobar a materia é necesario que o alumno alcance unha nota mínima de 4.0 puntos sobre 10 tanto na parte teórica como na parte práctica desta proba, e que teña unha cualificación media entre ambas as partes dun 5.0 sobre 10.
Prácticas de laboratorio (30% da cualificación final da materia no caso de que non aplique avaliación continua; competencias específicas: CG6 en GIAA; CEFB3 e CG14 en GIFMN; CT3, CT4, CT8 e CT9 en ambos os graos). Para poder aprobar a materia é necesario que o alumno alcance un 5.0 sobre 10 na avaliación destas prácticas.
Para superar a materia é necesario aprobar tanto o exame final como as prácticas de laboratorio e a nota final resultará da súa media ponderada no caso de que non aplique a avaliación continua: 0.7 x cualificación do exame + 0.3 x cualificación das prácticas.
Ademais das competencias específicas descritas nos apartados anteriores desta sección, avaliaranse de maneira global as seguintes compentencias: FB5, CG1 e CG2 en GIAA; CB1, CB2, CB5, CG1 e CEFB5 en GIFMN; CT2 en ambos os graos.
A puntuación 'extra' conseguida a través da avaliación continua polos alumnos que asistan regularmente a clase considerarase de maneira global rebaixando o total das contribucións do exame e das notas do laboratorio ata nun 20%. Isto significa que no caso de que se aplique o máximo de avaliación continua, a nota do exame final rebaixaría a súa contribución á nota global desde o 70% ata o 56%, mentres que a contribución das prácticas de laboratorio á cualificación final rebaixaríase desde un 30% ata un 24%. Nese escenario a suma da cualificación global calcularíase como: 0.54 x nota exame final + 0.24 x nota prácticas de laboratorio + 0.2 x nota avaliación continua; onde cada unha das 3 contribucións estarían expresadas nunha escala de 0 a 10 puntos.
A avaliación continua será aplicable tanto na primeira oportunidade do cuadrimestre como na segunda oportunidade. Non se establece diferenciación algunha entre ambas as oportunidades.
Para os casos de realización fraudulenta de informes de prácticas, traballos, exercicios ou probas, será de aplicación o recolleito no artigo 16 da ‘Normativa de avaliación do rendemento académico dos estudantes e de revisión de cualificacións’: “A realización fraudulenta dalgún exercicio ou proba esixida na avaliación dunha materia implicará a cualificación de suspenso na convocatoria correspondente, con independencia do proceso disciplinario que se poida seguir contra o alumno infractor. Considerarase fraudulenta, entre outras, a realización de traballos plaxiados ou obtidos de fontes accesibles ao público sen reelaboración ou reinterpretación e sen citas aos autores e das fontes.”
Alumnas e alumnos repetidores:
• A puntuación obtida en prácticas de laboratorio (de darse o caso) conservarase durante un máximo de 3 cursos académicos. Isto non será óbice para que calquera estudante que desexe mellorar a súa nota de prácticas póidaas realizar de novo. En tal caso, terá ademais a opción de facelas integramente de modo individual nun Laboratorio Virtual, coa axuda de simulacións interactivas na plataforma PhET: https://phet.colorado.edu/. A posibilidade de escoller laboratorio presencial ou virtual será tamén ofrecida a quen non fixesen as prácticas en anos anteriores. En todo caso, se se repiten as prácticas e alcánzase unha nota inferior á do ano anterior, o estudante será avaliado con esta última nota. Aqueles alumnos repetidores que non alcanzasen un 5 sobre 10 na parte práctica o último curso académico deberán repetir as prácticas, ben no modo presencial ben no laboratorio virtual (deberá comunicar a súa decisión ao profesor da materia ao comezo do cuadrimestre).
Estudantes con dispensa de asistencia:
• Para facilitarlles a estas persoas o cumprimento da parte obrigatoria ase dálles a opción de realizar as prácticas individualmente nun Laboratorio Virtual.
No exame final avaliaranse fundamentalmente os seguintes ítems:
• Comprensión e asimilación dos conceptos
• Capacidade para relacionalos entre si e aplicalos na análise e resolución de problemas concretos
• Manexo das unidades
Normas básicas a ter en conta durante a súa realización (tanto na primeira oportunidade como na segunda):
• Non se permitirá a entrada á aula de ningún libro, apuntamentos nin outro material que non fose previamente autorizado (especialmente teléfonos móbiles, reloxos intelixentes e outros dispositivos similares).
• O enunciado do exame deberá entregarse inescusablemente.
• Todas as persoas que acudan a examinarse, deberán acudir provistos do DNI ou pasaporte para permitir a súa correcta identificación.
Indícase a continuación o número de horas que debe dedicar o alumno a cada actividade formativa e a presencialidade correspondente a cada unha delas (horas da actividade, presencialidade en %):
• Docencia expositiva (24, 100 %)
• Seminarios e Prácticas de laboratorio (24, 100 %)
• Titorías en grupos reducidos (3, 100 %)
• Exame (3,100 %)
TOTAL 54 h
• Lectura e preparación de temas (40, 0%)
• Realización de problemas e cuestións (35, 0 %)
• Elaboración de informes de prácticas (3, 0 %)
• Preparación de probas de avaliación (18, 0 %)
TOTAL 96 h
• Asistir a todas as actividades presenciais
• Participar de xeito activo nas actividades interactivas (seminarios, prácticas, titorías en aula)
• Facer uso das titorías individuais
• Consultar a bibliografía recomendada para cada tema
• Tratar de levar o estudo da materia ao día
• Resolver todos os problemas dos boletíns
• Traballar en grupo sobre os boletíns de cuestións
• Usar con eficacia as ferramentas e o material de apoio da Aula Virtual
Requisitos previos recomendados para cursar esta materia:
- Ter cursado Física I e Matemáticas I. Esto será de gran importancia para obter un bo rendimento, non solo nas clases expositivas e seminarios sino tamén nas prácticas de laboratorio.
- Ter cursado no Ensino Medio materias de Física e Matemáticas.
En esencia isto significa que se espera que o alumnado se sinta cómodo operando con funcións elementais (potenciais, logaritmos, exponenciais, trigonométricas), que estea familiarizado coa derivación e integración destas, que saiba resolver ecuacións alxébricas, que posúa coñecementos de análise vectorial, e que teña adquirido na súa formación previa a capacidade de abstracción necesaria para realizar e interpretar representacións gráficas.
Nieves Barros Pena
- Departamento
- Física Aplicada
- Área
- Física Aplicada
- Teléfono
- 881814044
- Correo electrónico
- nieves.barros [at] usc.es
- Categoría
- Profesor/a: Titular de Universidade
Angel Piñeiro Guillen
Coordinador/a- Departamento
- Física Aplicada
- Área
- Física Aplicada
- Correo electrónico
- angel.pineiro [at] usc.es
- Categoría
- Profesor/a: Titular de Universidade
Pedro Vazquez Verdes
- Departamento
- Física Aplicada
- Área
- Física Aplicada
- Teléfono
- 982823240
- Correo electrónico
- pedro.vazquez [at] usc.es
- Categoría
- Profesor/a: Titular de Universidade
| Mércores | |||
|---|---|---|---|
| 11:00-13:00 | Grupo /CLE_01 | Castelán | Aula 7 (Aulario 2) |