Máster Universitario en Innovación en Nutrición, Seguridade e Tecnoloxía Alimentarias

-

Obrigatorias: 30
Optativas: 30
Prácticas externas OB 18
Traballo fin de máster: 12
Total: 90

Os estudantes tamén poderán acudir, se o desexan, a Titorías individualizadas destinadas ao desenvolvemento de actividades presenciales de orientación, dinamización e tutoría do traballo dos estudantes: orientación para a realización de informes, preparación de exposicións, procura e selección de material bibliográfico, e guía na resolución de problemas. Os profesores deberán anunciar os horarios en que recibirán os alumnos que desexen empregar esta ferramenta de formación.

Ademais, contémplanse sesións presenciais en grupos reducidos en que o profesor dirixe, dinamiza e titoriza o traballo autónomo do alumno en grupos reducidos. Así mesmo, permite facer un seguimiento e orientación do alumnado na realización das tarefas e actividades derivadas do desenvolvemento persoal ou colectivo da docencia expositiva e interactiva.

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Acceso

Para acceder aos ensinos oficiais de Máster será necesario estar en posesión de:
A.1. Un título universitario oficial español.
A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
A.4. Un título superior das Ensinanzas Artísticas Superiores do sistema educativo español.

Admisión

Modalidade: matrícula directa

Titulacións de acceso:

Lic. e grao en Bioloxía, Bioquímica, Ciencia e Tecnoloxía dos alimentos, Enfermaría, Enxeñaría Agronómica, e Enxeñaría Química, Enxeñaría Técnica Agrícola, Farmacia, Fisioterapia, Medicina, Nutrición Humana e Dietética, Química e Veterinaria

Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B1, consonte o Acordo do Consello de Goberno da USC do 30 de xullo de 2018.

De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido

Información actualizada en cada convocatoria de matrícula

- Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
- Que os estudantes saiban aplicar os coñecementos adquiridos e a súa capacidade de resolución de problemas en contornas novas ou pouco coñecidas dentro de contextos máis amplos (ou multidisciplinares) relacionados coa súa área de estudo
- Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
- Que os estudantes saiban comunicar as súas conclusións e os coñecementos e razóns últimas que as substentan a públicos especializados e non especializados dun modo claro e sen ambigüidades
- Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

- Coñecer a relación entre os alimentos, a nutrición e a saúde dos consumidores en diferentes situacións vitais e/ou psicolóxicas, necesaria para o desenvolvemento das diversas funcións dun profesional orientado a mellora da saúde e seguridade alimentarias.
- Coñecer e ser capaz de xestionar os aspectos da trazabilidade ao longo de toda a cadea alimentaria, para a detección e o control de riscos e identificación de puntos críticos, desde a recepción das materias primas até o momento do consumo.
- Coñecer os mecanismos de acción das substancias tóxicas e dos microorganismos nocivos presentes nos alimentos, como residuos ou como contaminantes, a súa orixe e as condicións de consumo que poden significar un risco.
- Coñecer os métodos e tecnoloxías de produción e envasado que permitan obter alimentos máis seguros, saudabeis e máis ecolóxicos, así como coñecer a súa repercusión na calidade global dos alimentos.
- Coñecer os métodos na produción de alimentos que faciliten a vixilancia ou monitorización dos sistemas de autocontrol nas empresas alimentarias.
- Ser capaz de intervir no deseño e desenvolvemento de alimentos máis saudábeis.
- Desenvolver destrezas e habilidades na análise e tratamento estatístico de datos de tipo físico, químico, microbiolóxico e sensorial dos alimentos.
- Coñecer a lexislación alimentaria, a súa aplicación e interpretación.
- Manexar as fontes de información especializadas na nutrición e os alimentos, a súa tecnoloxía e a súa seguridade.
- Ser capaz de colaborar no desenvolvemento de ferramentas como guías e programas informáticos para dar soporte ás pequenas empresas alimentarias.
- Adquirir formación para desenvolver a actividade investigadora, sendo capaces de formular hipóteses, recoller e interpretar a información para a resolución de problemas seguindo o método científico, e comprendendo a importancia e as limitacións do pensamento científico nos aspectos relacionados coa nutrición, a seguridade e a tecnoloxía alimentaria.

- Capacidade para aplicar as competencias adquiridas nas materias do título en entidades e empresas do ámbito da nutrición, a seguridade e a tecnoloxía alimentarias.
- Saber realizar, presentar e defender individualmente ante un tribunal universitario un exercicio integrador ou de síntese que permite aplicar as competencias adquiridas nas materias da titulación.
- Coñecer os fundamentos, a terminoloxía e a metodoloxía da análise sensorial de alimentos, e ser capaz de deseñar programas para a selección e adestramento de xuíces sensoriais.
- Coñecer a metodoloxía das técnicas estatísticas e os deseños mostrais, e ser capaz de formular hipóteses estatísticas en problemas relacionados coa nutrición, a seguridade e a tecnoloxía alimentaria.
- Saber interpretar os resultados de análises estatísticas relacionadas coa nutrición, alimentación e aspectos sanitarios.
- Deseñar e planificar un ensaio sensorial completo aplicado á industria alimentaria e a gastronomía, e interpretar adecuadamente os resultados obtidos traa a aplicación de técnicas estatísticas.
- Coñecer os principais axentes e mecanismos responsábeis da perda de calidade e alteración dos alimentos.
- Coñecer as vantaxes e aplicacións das novas tecnoloxías de conservación non térmica de alimentos e ser capaz de adaptalos aos procesos propios dos principais sectores da Industria Alimentaria.
- Coñecer os aspectos clínicos da nutrición aplicados a diferentes etapas da vida, á actividade física e a distintos estados patolóxicos.
- Coñecer a xestión da Seguridade Alimentaria no marco da Unión Europea.
- Coñecer que risco poden supoñer para a seguridade alimentaria os residuos farmacolóxicos nos alimentos de orixe animal, a presenza de substancias engadidas intencionadamente ou non aos alimentos, así como dos materiais destinados a entraren en contacto con eles.

- Capacidade de análise e síntese.
- Capacidade para organizar e planificar.
- Capacidade para traballar en equipo.
- Demostrar compromiso ético.
- Capacidade para usar tecnoloxías da información e comunicación.
- Capacidade para buscar, analizar e xestionar a información proveniente de fontes diversas.
- Capacidade para a resolución de problemas.
- Capacidade para tomar decisións.
- Capacidade para transmitir coñecementos.
- Capacidade para o razoamento crítico e a argumentación, e capacidade autocrítica.
- Capacidade para a aprendizaxe autónoma.
- Capacidade para utilizar información en lingua estranxeira.
- Demostrar iniciativa e espírito emprendedor.
- Capacidade de aplicar os coñecementos á práctica.
- Preocupación pola calidade.