Técnicas de investigación: Introdución ás meta-análises estatísticas para a área de ciencias da saúde

Unha meta-análise é un conxunto de técnicas estatísticas que permiten sintetizar resultados de diferentes estudos sobre o efecto dunha variable independente nun certo resultado final. Ante o aumento exponencial da información dispoñible tanto no eido dos factores de risco, na análise de tratamentos farmacolóxicos, probas diagnósticas e factores pronósticos, dispor de técnicas estatísticas que nos permitan combinar, de ser posible, os resultados de diferentes estudos é necesario. Porén, a pesares das súas grandes vantaxes, é necesario coñecer as metodoloxías detrás dunha meta-análise para valorar a súa validez de cara a lograr os obxectivos formulados.