Plan de Formación para PDI

Sesións de conversación de 40 minutos dirixidas por un/ha profesor/a orientadas á práctica da expresión e a interacción oral no nivel intermedio (B)

Curso presencial para promover o uso dos servizos de asesoramento á investigación da Biblioteca entre o PDI, especialmente os relacionados co autoarquivo no repositorio institucional Minerva. O obradoiro permitirá coñecer as ferramentas e funcionalidades para o autoarquivo de datos e publicacións en Minerva.

Python é unha linguaxe de alto nivel de programación interpretada cuxa filosofía fai fincapé na lexibilidade do seu código, está administradopor Python Sotware Foundation e posúe unha licenza de código aberto. Python experimentou nos últimos anos un auxe sen precedentes, dominando a escena das linguaxes de programación de propósito xeral. A aprendizaxe de Python é moi recomendable na actualidade debido ás súas vantaxes na automatización de tarefas administrativas, a análisede datos, o desenvolvemento de aplicacións web, a investigación académica, o ensino e titoría, a colaboración con outros profesionais e aadaptación ás últimas tecnoloxías. Aprender Python proporciona habilidades e ferramentas para mellorar a eficiencia, aproveitar datosinstitucionais, desenvolver proxectos académicos e manterse actualizado nunha contorna académica en constante evolución.

Trátase dunha acción formativa para reflexionar acerca da importancia da diversidade lingüística e cultural, a cal necesita da preservación e potenciación da lingua galega. Consecuentemente, estudarase a situación da nosa lingua e analizaremos como contribuír á súa mellora no ámbito docente dende as diversas sensibilidades e con coñecemento do marco legal, así como a establecer unha conduta lingüística propia e mantela de xeito respectuoso e asertivo.

En un contexto educativo en constante transformación, la formación en herramientas digitales y aplicación de tecnología educativa de manera coherente en el proceso de enseñanza-aprendizaje se ha vuelto esencial para garantizar una enseñanza universitaria dinámica, innovadora y eficaz. De esta manera, la propuesta del presente curso de formación ofrece al Personal Docente e Investigador (PDI) la oportunidad de descubrir y dominar nuevas tecnologías que optimizan el proceso de enseñanza-aprendizaje, favoreciendo una mayor interacción, personalización y eficiencia en sus clases. A través de este curso, el profesorado podrá explorar plataformas, aplicaciones y metodologías digitales que facilitan la creación de materiales didácticos atractivos, el seguimiento del alumnado y la evaluación del aprendizaje de manera más flexible y efectiva. Además, proporcionará estrategias innovadoras para mejorar la motivación y el compromiso de los estudiantes en entornos presenciales, híbridos y virtuales.

O obxectivo xeral do curso é contribuír ao Selo Europeo de Excelencia en investigación, dotando aos responsables dos programas de investigación e actividades de I+D, así como ao PDI interesado, de coñecementos sobre a lexislación actual nesta materia, de xeito que se optimicen as posibilidades de contratación laboral nas diversas convocatorias e programas.

A linguaxe estatística R, coa súa interface gráfica RCommander, é o software liberado baixo unha licenza libre, referente nos estudos estatísticos e é unha alternativa real ás diferentes solucións privativas para este tipo de estudos. O curso vai desde a instalación de RCommander, ata o manexo de datos, creación de gráficos, ou a realización de estudos estatísticos descritivos.

Este obradoiro de videocreación consiste nunha introdución práctica ao mundo audiovisual a través de diversas dinámicas e exercicios, mediante os cales traballaremos as diferentes fases da creación audiovisual, co fin de que as persoas participantes poidan aprender a xerar o seu propio contido.

Trátase dun curso de introdución nos principais aspectos relacionados coa planificación, deseño e creación de actividades virtuais para unha aprendizaxe activa.

A creación visual de composicións gráficas está ao orde do día. Sobre todo nestes tempos, onde a comunicación visual é esencial para achegar información en todo ámbito, dende a educación ou a información, ata a publicidade ou a presentación comercial. A infografía é outra forma de representación visual informativa na que se combinan diagramas visuais xunto con texto para resumir ou explicar figurativamente ideas e conceptos. Con este curso perséguese que os participantes adquiran as nocións e habilidades necesarias para a creación de elaboradas infografías coas amplas posibilidades que ofrece o mundo vectorial de Inkscape, e por suposto, coa propia imaxinación do creador. Ademais de aprender a usar este programa de edición, tamén se tratarán certos aspectos concretos sobre deseño gráfico. Non só se aprenderán a facer infografías, senón moitas outras composicións gráficas máis básicas, como sombras, gradientes, logotipos, sinais, etc, que logo completarán e formarán parte das propias infografías finais. Tamén se abordarán outros aspectos interesantes como a busca e obtención de imaxes (fontes de uso legal de imaxes para as nosas composicións), diferenciar entre imaxes de mapas de bits e vectoriais, cando usar unhas ou outras, como integralas nunha mesma composición, e incluso como transformar unhas imaxes dun tipo noutro.

A través deste curso preténdese dar ao alumnado unha visión xeral de normativa vixente referente á protección de datos, a súa aplicación práctica na investigación, e a específica situación na USC. Basearémonos no Regulamento UE 2016/679 e na LO 3/2018.. Analizaranse diversos casos reais e cotiás, tentando aportar solucións ás situacións problemáticas e axudar ao profesorado da USC na súa investigación, para evitar vulneracións da normativa e posibles sancións. Tamén se verán o papel das universidades neste eido e as específicas actuacións da USC no mesmo.

As modalidades organizativas (sesión expositivas, seminarios, laboratorio...) preestablecidas nas materias e os tipos de agrupamento, condicionan o tipo de traballo a realizar na aula co alumnado, polo que será necesario analizar e reflexionar sobre os métodos de ensino e as propostas de actividades, para en función dos grupos de estudantes, espazos e tempos, traballar os contidos e alcanzar os obxectivos previstos para a nosa materia mellorando os procesos de ensino e aprendizaxe.

Este curso amosa como a analítica da aprendizaxe permite saber o que fan os estudantes en escenarios dixitais. Preséntanse os catro tipos principais de analítica, introdúcese a alfabetización de datos a través do uso de follas de cálculo e discútese sobre as cuestións éticas e de privacidade. O obxectivo principal é que os mestres nos replantexemos a nosa forma de traballar nas plataformas dixitais e academos competencias clave neste campo.

O curso consta dunha primeira parte onde se explicarán os fundamentos usados na construción de sistemas conversacionais de IA, o modo en que se entrenan estos sistemas e os servizos que aportan aos seus usuarios/as. Seguidamente, traballarase cunha serie de exemplos prácticos de uso para observar o potencial destas ferramentas, dando soporte a unha gran variedade de tarefas

As competencias en información son un conxunto de coñecementos, habilidades, actitudes e valores que nos van permitir resolver problemas relacionados coa xestión da información. O obxectivo deste curso é traballar as competencias necesarias en todo o ciclo da información científica: analizar as necesidades de información, fontes de información e metodoloxías de busca, organización e avaliación da información, realización dun traballo científico, comunicación científica e avaliación da ciencia. Todo no contexto dun investigador da USC. Así, estruturase en 6 módulos, cada un coa súa correspondente parte práctica, que será a base da avaliación da adquisición destas competencias por parte do alumnado. Ademais inclúe 2 sesión presenciais nas que se afondará na busca e xestión da información e no aumento da visibilidade do persoal investigador.

Coñecer as normas de manipulación e almacenamento de productos químicos en laboratorios.

A actividade Tarefa en Moodle proporciona un espazo no que os estudantes poden enviar os traballos para ser avaliados e recibir comentarios. Ademais de integrarse dentro do Campus Virtual e das diferentes actividades realizadas en cada aula, non só permite aforrar papel, senón que simplifica e estandariza a recepción e avaliación dos traballos, en contraposición ao uso do correo electrónico. Ademais, a actividade Tarefa permite accións máis avanzadas, como realizar correccións cegas, permitir o envío en grupo ou establecer un fluxo de traballo (para que todos os estudantes reciban a cualificación á vez). Entre estas opcións destaca a posibilidade de usar rúbricas e guías de avaliación, ferramentas coas que realizar avaliacións obxectivas e estandarizadas de acordo a criterios específicos ligados aos obxectivos de aprendizaxe.

Curso presencial para dar a coñecer as implicacións das políticas europea e estatal de Ciencia Aberta na carreira do persoal investigador da USC e os recursos e servizos que a USC pon ao dispor do persoal docente e investigador para dar cumprimento aos mandatos legais de depósito en aberto.

Curso de formación na ferramenta de detección de Plaxio, Turnitin. O Obxectivo do curso é coñecer as utilidades e funcionalidades do programa antiplaxio Turnitin, así como as súas implicacións prácticas, creación de contas, clases, exercicios e o proceso de subida e revisión de documentos

Curso de formación na ferramenta de detección de Plaxio, Turnitin. O Obxectivo do curso é coñecer as utilidades e funcionalidades do programa antiplaxio Turnitin, así como as súas implicacións prácticas, creación de contas, clases, exercicios e o proceso de subida e revisión de documentos

Aproximación ao apoio á inclusión na aulas na USC a través da presentación dos servizos que se ofrecen dende a propia estrutura (SEPIU) e recomendacións para o traballo na aula segundo as diferentes tipoloxías de discapacidade ou necesidades específicas de apoio educativo (NEAE).

A violencia no ámbito laboral, manifestada en abusos, ameazas e/ou agresións, pon en risco a seguridade, o benestar e a saúde das persoas traballadoras. Neste contexto, o presente curso ten como obxectivo sensibilizar ao persoal da Universidade de Santiago de Compostela (USC) sobre a importancia de fomentar unha convivencia saudable e proporcionar as ferramentas básicas para abordar posibles situacións de violencia no traballo. Ao longo desta formación, exploraranse os principios e valores institucionais que sustentan a convivencia na USC, facendo especial énfase na violencia como un elemento perturbador da harmonía das relacións interpersoais no ámbito universitario. Analizaranse as diversas tipoloxías de violencia psicolóxica e os posibles conflitos laborais que poden xurdir no día a día, así como as súas principais repercusións na dinámica organizacional. Ademais, afondarase no Protocolo de actuación fronte ao acoso psicolóxico, a violencia psicolóxica e outras situacións de conflito relacional no traballo da USC, detallando os pasos a seguir para a identificación, denuncia e intervención ante situacións de acoso ou violencia psicolóxica. Ao final da sesión, reservarase un espazo de tempo para resolver dúbidas e preguntas das persoas asistentes.

Sesións de conversación de 40 minutos dirixidas por un/ha profesor/a orientadas á práctica da expresión e a interacción oral no nivel avanzado (C1)

A aprendizaxe e a avaliación son procesos que van directamente conectados. O profesorado pode utilizar técnicas e prácticas concretas para promover estratexias de co-aprendizaxe que redunden en procesos de avaliación que rompan coas dinámicas tradicionais que aínda se realizan. Esta actividade formativa permite coñecer novas estratexias de ensino-aprendizaxe e, consecuentemente, novas posibilidades de avaliación no ensino superior.

Este curso está enfocado a proporcionar ao persoal docente os coñecementos e fundamentos prácticos para o deseño e posta en marcha dunha actividade de aprendizaxe colaborativa internacional (COIL). No marco desta actividade afondarase na metodoloxía de planificación e realización dunha experiencia COIL a, través da programación de medidas de aprendizaxe colaborativo entre estudantado de diferentes países, coa intervención e guía dos docentes que a promoven e que comparten o proceso de ensino. A actividade formativa proposta ten como finalidade proporcionar as habilidades e ferramentas que permitan ao persoal docente introducir a dimensión internacional no currículo das materias, favorecendo, a través dunha interacción virtual síncrona e asíncrona entre estudantado de distintas zonas xeográficas e culturas, a aprendizaxe e o desenvolvemento de competencias interculturais e interdisciplinarias. O curso combina sesións síncronas e traballo asíncrono entre pares con obxecto de deseñar un proxecto COIL para a súa posterior posta en práctica.

O curso analiza o novo Regulamento en materia de recoñecemento e transferencia de créditos para os estudos oficiais de Grao e Máster da USC, aprobado por acordo do Consello de Goberno do 24 de xullo de 2024. O curso facilitará as ferramentas precisas para a interpretación e execución da norma que entra en vigor o 1 de febreiro de 2025, a través da súa abordaxe teórica e práctica, dirixidas cara unha xestión procedemental máis áxil e centrada no estudante.

Aproximación ao apoio á inclusión na aulas na USC a través da presentación dos servizos que se ofrecen dende a propia estrutura (SEPIU) e recomendacións para o traballo na aula segundo as diferentes tipoloxías de discapacidade ou necesidades específicas de apoio educativo (NEAE).

O Campus Virtual permite crear conxuntos de participantes con diversos fins, como a creación e itinerarios de aprendizaxe, a entrega de tarefas en grupo ou o envío de avisos personalizados. A creación de grupos de estudantes permite unha xestión da aula máis flexible e personalizar a docencia ás necesidades de cada un dos grupos. Neste curso ofrecerase unha introdución ao sistema de grupos e revisaranse casos prácticos de uso que se presentan frecuentemente.

Formación básica para calquera persoa que traballe en laboratorios. Riscos e medidas preventivas no traballo en laboratorios. Manipulación de produtos e realización de prácticas.

O curso analiza o novo Regulamento en materia de recoñecemento e transferencia de créditos para os estudos oficiais de Grao e Máster da USC, aprobado por acordo do Consello de Goberno do 24 de xullo de 2024. O curso facilitará as ferramentas precisas para a interpretación e execución da norma que entra en vigor o 1 de febreiro de 2025, a través da súa abordaxe teórica e práctica, dirixidas cara unha xestión procedemental máis áxil e centrada no estudante.

As rúbricas son un instrumento para a innovación docente que permite implementar procesos de avaliación formativa na universidade que, ademais, propician a avaliación de competencias. Este instrumento promove a autorregulación da aprendizaxe e inflúe positivamente no estudante xa que este coñece o modo polo que vai a ser avaliado. Neste sentido, esta acción formativa posibilitará que os docentes se familiaricen con este instrumento e sexan capaces de construír unha rúbrica para a avaliación da súa materia.

A utilización de metodoloxías activas vese dificultada con frecuencia pola presenza de moitos alumnos en clase (máis de 60). Certamente, as metodoloxías máis ambiciosas (por exemplo, a aprendizaxe baseada en proxectos) son inviables (ou moi difíciles de aplicar) nestas condicións. Pero outras moitas son posibles (e moi beneficiosas) sempre que exista unha planificación coidadosa do traballo que deben realizar os alumnos dentro e fóra de clase. No taller ofreceranse recomendacións e pautas para abordar este reto.

Este curso tratará de aclarar e afianzar contidos sobre dereitos lingüísticos da Constitución, o Estatuto de Autonomía, a Lei de Normalización Lingüística, os Estatutos da Universidade e, especialmente, o Regulamento de Usos Lingüísticos.

Este curso ten como obxectivo apoiar aos profesionais da educación a mellorar as súas habilidades en lingua inglesa, ofrecéndolles unha experiencia educativa máis eficaz e internacional. Os participantes fortalecerán as súas competencias en inglés e poderán aplicar estas habilidades nos seus roles educativos e no seu desenvolvemento persoal e profesional de acordo co nivel B2.

A través deste curso preténdese dar ao alumnado unha visión xeral de normativa vixente referente á protección de datos, a súa aplicación práctica na docencia universitaria, e a específica situación na USC. Basearémonos no Regulamento UE 2016/679 e na LO 3/2018. Analizaranse diversos casos reais e cotiás, tentando aportar solucións ás situacións problemáticas e axudar ao profesorado da USC a súa xestión ordinaria dos datos persoais que manexan, tanto seus como do seu alumnado e persoal colaborador. Tamén se verán o papel das universidades neste eido e as específicas actuacións da USC no mesmo.

Os eventos científicos en liña creceron como unha necesidade ante a pandemia da COVID-19. Porén, este formato consolidouse e os eventos total ou parcialmente en liña continúan a ser habituais na comunidade académica. Este curso ten como obxectivo preparar aos asistentes para a organización de eventos científicos en liña a través da aplicación MS Teams. Explicarase como organizar e axendar as sesións (plenarias ou paralelas), incluír usuarios doutras institucións, informar aos participantes do uso da ferramenta ou difundir en aberto os vídeos do evento.

Obradoiro básico orientado á mellora da calidade da docencia virtual que inclúe unha revisión práctica do proceso de ensino-aprendizaxe: deseño, guía, metodoloxía, contidos, recursos e avaliación.

A pesar das accións levadas a cabo nos últimos anos, a desigualdade de xénero persiste no ámbito científico e académico. Como noutros ámbitos, para acabar con estas desigualdades, puxéronse en marcha políticas públicas de igualdade que teñen acadado niveis de desenvolvemento diverso. Este curso ten como obxectivo analizar a situación das mulleres na USC así como as políticas de igualdade implementadas pola institución nos últimos anos

Esta formación pretende cubrir as necesidades de orientación e capacitación do persoal público con persoas ao seu cargo no que respecta a manter un comportamento ético e un espazo de traballo onde os conflitos estean debidamente canalizados. Para isto, parte dunha formación inicial na normativa de aplicación neste eido, para somerxerse logo nas bases da ética pública, coa finalidade de dar a coñecer estes contidos entre o alumnado. A partir dos mesmos, afondarase nos conceptos de ética, valores públicos, lexitimidade corrupción. Con isto, a pretensión é que melloren a xestión do seu día a día, reafirmando e consolidando a súa actuación, á vez que se lle facilitará ao persoal habilidades e competencias para que, no marco da institución, pero autonomamente e axeitándose ao seu ámbito de traballo, poidan levar a cabo o deseño dos seus propios sistemas de control interno e protocolos de actuación.

Esta formación pretende servir como curso introdutorio na ética na administración pública e os valores asociados a esta. As administracións atópanse cada vez baixo un maior escrutinio e as esixencias de bo funcionamento e integridade son, como é lóxico, crecentes. Por isto, a ética colle un peso aínda maior se cabe como elemento guía da actuación no día a día do noso entorno laboral. Máis aló dos contidos asociados a este primeiro punto, o curso pretende tamén difundir os valores da USC, as súas ferramentas de prevención e empregar varios casos prácticos para axudar a comprender as implicacións dun comportamento non ético e os prexuízos que supón.

O curso Galego Seguro pretende dar certeza naqueles aspectos da norma que xeran máis dúbidas e, tamén, darlle unha perspectiva real do seu nivel de lingua. O obxectivo é clarexar erros recorrentes relacionados coa norma, pero tamén pór en valor a lingua real; as capacidades comunicativas tan valiosas que todos e todas atesouran dalgunha maneira.

Esta formación pretende cubrir as necesidades de orientación e capacitación do persoal público con persoas ao seu cargo no que respecta a manter un comportamento ético e un espazo de traballo onde os conflitos estean debidamente canalizados. Para isto, parte dunha formación inicial na normativa de aplicación neste eido, para somerxerse logo nas bases da ética pública, coa finalidade de dar a coñecer estes contidos entre o alumnado. A partir dos mesmos, afondarase nos conceptos de ética, valores públicos, lexitimidade corrupción. Con isto, a pretensión é que melloren a xestión do seu día a día, reafirmando e consolidando a súa actuación, á vez que se lle facilitará ao persoal habilidades e competencias para que, no marco da institución, pero autonomamente e axeitándose ao seu ámbito de traballo, poidan levar a cabo o deseño dos seus propios sistemas de control interno e protocolos de actuación.

Esta formación pretende servir como curso introdutorio na ética na administración pública e os valores asociados a esta. As administracións atópanse cada vez baixo un maior escrutinio e as esixencias de bo funcionamento e integridade son, como é lóxico, crecentes. Por isto, a ética colle un peso aínda maior se cabe como elemento guía da actuación no día a día do noso entorno laboral. Máis aló dos contidos asociados a este primeiro punto, o curso pretende tamén difundir os valores da USC, as súas ferramentas de prevención e empregar varios casos prácticos para axudar a comprender as implicacións dun comportamento non ético e os prexuízos que supón.

Este curso tratará de aclarar e afianzar contidos sobre dereitos lingüísticos da Constitución, o Estatuto de Autonomía, a Lei de Normalización Lingüística, os Estatutos da Universidade e, especialmente, o Regulamento de Usos Lingüísticos.

Trátase dun curso de 12 horas, no que se introducirán os aspectos máis destacables de cinco temas básicos en organización, xestión e dirección de centros académicos da USC, mediante a exposición por parte de profesorado e profesionais expertos e o diálogo e o debate conxunto.

A voz é o principal instrumento de traballo do profesorado e, con todo, é a gran esquecida. Na realización deste curso abordaranse as bases da produción da voz desde un enfoque holístico, con especial atención aos aspectos físicos, psíquicos e emocionais que dan como resultado a emisión vocal e que interveñen na súa autorregulación. Tratarase de enriquecer as sensacións propioceptivas das persoas participantes e de ampliar as súas experiencias coa voz de forma lúdica, na medida do posible dado o carácter inicial do curso. Para finalizar, expoñeranse as normas básicas do correcto coidado da voz e romperán mitos respecto diso.

O curso constará dunha primeira sesión de 90 minutos de duración onde se explorarán os beneficios e oportunidades da internacionalización do currículo. Esta actividade formativa completarase, na mesma xornada, cun obradoiro de introdución á metodoloxía docente COIL (aprendizaxe colaborativa internacional en liña), de 3 horas de duración.

Para evitar calquera discriminación hoxe, segundo a legalidade vixente, as institucións incorporan protocolos específicos de actuación para novas identidades de xénero. Neste sentido, no curso explicarase o Protocolo de actuación para os cambios de nome e de mención relativa ao sexo das persoas transexuais, transxénero e interxénero da USC. Tamén se reflexionará, de modo xeral, sobre prácticas lingüísticas inclusivas.

As competencias en información son un conxunto de coñecementos, habilidades, actitudes e valores que nos van permitir resolver problemas relacionados coa xestión da información. O obxectivo deste curso é traballar as competencias necesarias en todo o ciclo da información científica: analizar as necesidades de información, fontes de información e metodoloxías de busca, organización e avaliación da información, realización dun traballo científico, comunicación científica e avaliación da ciencia. Todo no contexto dun investigador da USC. Así, estruturase en 6 módulos, cada un coa súa correspondente parte práctica, que será a base da avaliación da adquisición destas competencias por parte do alumnado. Ademais inclúe 2 sesión presenciais nas que se afondará na busca e xestión da información e no aumento da visibilidade do persoal investigador.

Este curso pretende impartir unha formación básica non deseño de proxectos de innovación educativa en Saúde Comunitaria para docentes da Universidade de Santiago de Compostela. O curso tratará amplamente o tema de Promoción da Saúde Comunitaria Baseada en Activos, cunha especial atención aos enfoques salutoxénico e determinantes sociais da saúde e o benestar como vía para o desenvolvemento e deseño de proxectos de innovación educativa.