Bases de Datos I

O obxectivo global desta materia é proporcionar un coñecemento básico sobre o desenvolvemento de aplicacións baseadas na tecnoloxía relacionada cos sistemas de bases de datos.
Os contidos da materia céntranse en dous grandes aspectos: o modelado conceptual e o modelado lóxico de Bases de Datos. O desenvolvemento do modelado conceptual estará centrado na comprensión e utilización do modelo entidade-relación. O desenvolvemento do modelado lóxico realizarase desde dúas perspectivas: como unha transformación do modelo entidade-relación e mediante normalización do modelo relacional. Por último, estudarase a linguaxe estándar para a creación e consulta de bases de datos. A materia finaliza desenvolvendo o deseño de aplicacións de complexidade baixa/media baseadas en bases de datos.

• Tema BD1-1. Modelo Entidade-Relación (MER)
• Tema BD1-2. Modelo Relacional (MR)
• Tema BD1-3. Transformación do MER a MR
• Tema BD1-4. Linguaxes Formais de Consulta
• Tema BD1-5. Structured Query Languaje (SQL): Taboas
• Tema BD1-6. Structured Query Languaje (SQL): Consultas
• Tema BD1-7. Structured Query Languaje (SQL): Outros Elementos
• Tema BD1-8. Normalización do Modelo Relacional
• Tema BD1-9. Sistemas de Bases de Datos
• Proyecto BD1. Modelado, Implementación e Consulta de Bases de Datos

Básica
• Silberschatz, A., Korth, H.F., Sudarshan, S. "Fundamentos de Bases de Datos", 6ª Edición, McGraw-Hill, 2014. ISBN: 978-84-481-9033-0.
Complementaria
• Connolly, T.M. y Begg, C.E., “Sistemas de bases de datos: Un enfoque práctico para diseño, implementación y gestión”, 4ª Edición, Pearson Education S.A., 2005. ISBN: 84-7829-075-3.
• Elmasri, R. y Navathe, S.B., “Fundamentos de Sistemas de Bases de Datos”, 5ª Edición, Pearson Education S.A., 2007. ISBN: 978-84-7829-085-7.
• Date, C.J., “Introducción a las Sistemas de Bases de Datos”, 7ª Edición, Pearson Education, 2001. ISBN: 968-444-419-2.

A materia Bases de Datos I desenvolve, parcialmente, as seguintes competencias xerais do título de GrEI da USC: CG2, CG8, CG9.
Ademais, a materia desenvolve, tamén parcialmente, as seguintes competencias transversais do Grao en Enxeñería Informática: TR1, TR2 e TR3.
A materia Bases de Datos I desenvolve, parcialmente, as seguintes competencias (formación básica – FB-, común á rama de informática - RI- e de tecnoloxía específica da orientación tecnoloxías da información -TI-) establecidas polo Consello de Universidades para os títulos de Enxeñería Informática e Enxeñería Técnica Informática no seu acordo do 03/03/2009: FB4, RI12, RI13 e TI1.
Por último, indicar que das competencias e resultados de aprendizaxe indicados no módulo Sistemas de Información da titulación de Grao en Enxeñería Informática desenvolveranse as seguintes:
• Coñecer os fundamentos das bases de datos
• Coñecer o modelo relacional
• Modelar e deseñar bases de datos
• Xestionar bases de datos con SQL

Durante o desenvolvemento do curso empregáranse diferentes metodoloxías docentes en función dos contidos cos cales se este a traballar e os obxectivos de aprendizaxe que se pretenda obter en cada caso.
• Clase Maxistral [CM]
O obxectivo deste tipo de clases é presentar aos/as estudantes información actualizada e ben organizada procedente de fontes diversas, facilitar a comprensión e aplicación dos procedementos específicos da materia e elevar os niveis de motivación dos estudantes cara á materia.
Utilízase de forma minoritaria nas horas de docencia expositiva.
• Docencia Inversa [DI]
O obxectivo deste tipo de clases é o aproveitamento das horas de traballo presencial en actividades de formación de nivel medio-alto (discusión de casos, problemas etc.), desprazando as actividades de baixo nivel (lectura de materiais) ao estudo previo por parte dos/as estudantes.
Utilízase de forma maioritaria nas horas de docencia expositiva.
• Aprendizaxe Baseada en Casos [ABC]
A aprendizaxe baseada en casos é un método baseado no principio de usar casos como punto de partida para a adquisición e integración dos novos coñecementos.
Utilízase de forma maioritaria tanto nas horas de docencia expositiva como nas horas de docencia interactiva.
• Aprendizaxe Baseada en Proxectos [ ABPr]
Trátase de expor aos/as estudantes situacións prácticas cuasirealistas nas que o profesor supervisa o traballo do grupo de estudantes. O traballo do estudante desenvólvese de forma cooperativa no seo do seu grupo de traballo.
Utilízase de forma parcial nas horas de docencia interactiva e desenvólvese no tempo de traballo persoal dos/ as estudantes.

Para os casos de realización fraudulenta de exercicios ou probas será de aplicación o recolleito na “Normativa de avaliación do rendemento académico dous estudantes e de revisión de cualificacións”.

A cualificación final da materia obtense a partir da media xeométrica das cualificacións obtidas no exame e na avaliación continua. O peso de ambas as actividades na media xeométrica é o mesmo.
NOTA MATERIA = MEDIA_XEOMETRICA (EXAME, EVACONTINUA)
A cualificación do exame obtense a partir da media xeométrica dunha primeira parte na que se expoñen cuestións teórico/prácticas curtas, unha segunda na que se deben realizar deseños conceptuais mediante o modelo entidade-relación (MER) e unha terceira relacionada con instrucións de SQL de creación e consulta de táboas. Nestas dúas últimas partes será necesario obter un mínimo do 50% da nota máxima. Para superar o exame será necesario obter un mínimo do 50% da nota máxima.
NOTA EXAME = MEDIA_XEOMETRICA (CUESTIÓNS, MER, SQL)
MÍNIMO EXAME = 50%
MÍNIMO MER = 50%
MÍNIMO SQL = 50%
A avaliación continua consistirá na elaboración e presentación dun proxecto de deseño dunha solución mediante sistemas baseados en bases de datos. Para superar a avaliación continua será necesario obter un mínimo do 50% da nota máxima.
NOTA EVACONTINUA = RÚBRICA DE AVALIACIÓN DO PROXECTO
MÍNIMO EVACONTINUA = 50%

Considérase como presentado/á todo/a estudante que se presente a exame ou presente o proxecto correspondente á avaliación continua.

Participación en Clase
A participación dos/as estudantes en diversos momentos do desenvolvemento da materia (as formas de participación especifícanse en clase) poderán supoñer a redución de mínimos e/ou incrementos na cualificación final da materia

Avaliación de Competencias
Exame: CG8, TR3, FB4
Avaliación Continua: CG2, CG9, TR1, TR2, RI12, RI13, TI1

Oportunidade Extraordinaria de Recuperación
Os tipos de avaliación que conforman a oportunidade extraordinaria de recuperación son os mesmos, e cos mesmos pesos, que forman a oportunidade ordinaria do cuadrimestre. Na oportunidade extraordinaria só se realiza o exame e a cualificación da avaliación continua será a obtida na oportunidade ordinaria.

A materia ten fixada, segundo a memoria do GrEI da USC, unha carga de traballo de 6 ECTS. Dado que a USC fixou en 25 o número de horas correspondentes a cada ECTS (mínimo legal permitido), a carga total de traballo para a materia sitúase en 150 horas (6 ECTS x 25 horas por ECTS).
A carga de traballo presencial está fixada en 15 horas de docencia expositiva, 35 horas de docencia interactiva, 3 horas de titoría e 5 horas de avaliación. Por tanto, o traballo persoal dos/as estudantes debe supoñer 92 horas, é dicir, aproximadamente 5,75 horas por semana.

Seguir a metodoloxía de docencia inversa, maioritaria nas clases expositivas.

Lingua predominante de impartición de clases: Castelán