Servizo de Planificación de Persoal Docente e Investigador

O Servizo de Planificación de Persoal Docente e Investigador ten encomendadas a avaliación das necesidades de persoal docente e investigador, a elaboración e mantemento da relación de postos de traballo e a xestión integrada dos diferentes procedementos de selección e provisión de postos de persoal docente e investigador, tanto funcionario como contratado.

Asume tamén funcións de apoio e soporte técnico e administrativo ás comisións de selección e ás comisións de reclamacións e revisión. No ámbito da xestión ten atribuída a proposta de resolución en diversos aspectos relativos á vida laboral do profesorado. É competencia deste Servizo elaborar propostas de regulación, memorias e informes, xestionar a documentación de soporte aos órganos de goberno para a toma de decisións e, en xeral, subministrar a información pertinente a outras unidades e órganos internos e externos da USC e mais proporcionar apoio técnico á Vicerreitoría que dirixe a política de persoal docente e investigador.