Premio Nobel de Química 2015
O Premio Nobel de Química 2015 Tomas Lindahl, galardoado polos seus estudos mecanísticos da reparación de ADN, visitará a USC este mes de novembro no marco do Programa ConCiencia. O mércores 20, ás 19.30 horas, Lindahl pronunciará o relatorio ‘Inestabilidade de ADN e posibles formas de vida alternativas’ no auditorio Abanca. Asemade, no marco da apertura do XXV Encontro galego-portugués de química, Lindahl falará da reparación de dano endóxeno do ADN e prevención do cancro.
A visita de Lindahl enmárcase nas actividades da décimo cuarta edición do Programa ConCiencia da USC e o Consorcio de Santiago de Compostela, o cal conta coa colaboración da Fundación Española para la Ciencia y la Tecnología - Ministerio de Ciencia, Innovación y Universidades.