A Universidade de Santiago de Compostela acolle entre os días 21 e 24 de outubro o XXI Congreso Nacional da Sociedade Española de Bioloxía Celular (SEBC), que incluirá conferencias plenarias, sesións de comunicacións orais e presentacións en formato póster nas que se abordarán temas de actualidade nesta disciplina.
O congreso, a desenvolver na Aula Magna da Facultade de Bioloxía, inaugurarase ás 19.00 horas cunha conferencia de Alfonso Martínez Arias, da Universidade Pompeu Fabra. Nos catro días desta cita científica haberá tamén espazo para un encontro con estudantado e a celebración da asemblea xeral da Sociedade. A conferencia de clausura do día 24 corresponderalle a Ana María Cuervo, do Albert Einstein College of Medicine (NYC, EE.UU).
O comité científico organizador está composto polos investigadores e investigadoras do CiMUS Manuel Collado, Aurora Gómez-Durán, Carmen Rivas e Anxo Vidal.